Иман Халиф — 2024 йилда Парижда бўлиб ўтган бокс бўйича ёзги Олимпия ўйинлари ғолиби.
Бокс бўйича Олимпия ўйинларининг аёллар ўртасида -66 кг вазн тоифасидаги финал баҳсида жазоирлик Иман Халиф Хитой вакили Янг Люга қарши рингга чиқди. Иман Халиф йирик ҳисобда ғалабага эришди ва Олимпиада олтин медалини қўлга киритди.
Эслатиб ўтамиз, Иман Халифнинг Париждаги Олимпия турниридаги илк жанги жанжал билан якунланган эди. Италиялик Анжела Карини турнирнинг 1/8 финалидаги жангнинг 46-сониясидан кейин Халиф билан баҳсни давом эттиришдан бош тортгаб.
2023 йилда Иман Халиф Халқаро бокс ассоциацияси (IBA) томонидан ўтказилган ДНК тести туфайли жаҳон чемпионатидан четлатилганди. Синов шуни кўрсатдики, Халифда «XY (эркак) хромосомаси ва тестостерон даражаси кўтарилган». Бироқ Халқаро олимпия қўмитаси Иманни трансгендер деб ҳисобламай, Олимпиадада иштирок этишга рухсат берган.
Европа бокс конфедерацияси (EUBC) бош котиби Кирилл Щекутьев гендер тестидан ўта олмаган жазоирлик Иман Халиф учун 2024 йилги Олимпия ўйинлари олтинини шармандалик деб атади.
«Аёллар ўртасидаги пляж волейболи финалини томоша қилишдан хурсанд бўлдим. Худога шукур, у ерда ҳали трансгендерлар йўқ, ўйиннинг гўзаллигини кузатишингиз мумкин. Аёллар бокси 2024 йилги Олимпиадада дафн этилди. Шармандалик!», — деди Щекутьев Халиф олган олтинини шарҳлар экан.
