Джейк Пол ва Майк Тайсон ўртасидаги бокс жанги Лас-Вегасдан ташқарида чипта сотиш бўйича янги рекорд ўрнатди. Техас штатининг Арлингтон шаҳридаги АТ&Т стадионида бўлиб ўтган тадбир чипталар савдосидан 17,8 миллион доллар йиғди.
Тарихий тадбирда 70 мингдан зиёд томошабин иштирок этиши кутилмоқда. Чипталар нархи юқори қаватдаги ўринлар учун 97 доллардан биринчи қатордаги ўринлар учун бир неча минг долларгача бўлган. Лос-Анжелесдаги TorkLaw юридик фирмаси томонидан аллақачон сотиб олинган 2 миллион долларлик эксклюзив VIP-пакети алоҳида эътиборга лойиқдир.
Жанг трансляцияси 15 ноябрь куни Нетфлих платформасида эксклюзив равишда мавжуд эди.
9 ғалаба ва 1 мағлубият рекордига эга 27 ёшли Джейк Пол профессионал фаолиятида 50 ғалаба ва 6 мағлубият қайд этган 57 ёшли афсонавий Майк Тайсон билан учрашди.
«Темир Майк» фақат биринчи раундга етди, шундан сўнг катта ёшли спортчи чарчади ва оғир нафас олди. Кейинги жангда Джейк Пол вақти-вақти билан Тайсонга зарбалар бериб турди. Охирги икки раундда боксчилар жангни «қуруқлаштирди», жиддий ҳужумлар қилмади ва жангни ҳакамлар қарорига олиб келди.
Таъкидлаш жоизки, жангнинг иккинчи ярмида томошабинлар жангчиларни тинимсиз ҳуштак чалиб, уларнинг ҳаракатларидан норозилигини билдиришди.
8-раундлик баҳс якунига кўра, Джейк Пол очколар бўйича ишончли ғалабага эришди.
