Qozog‘istonning Olmaota shahrida tay boks bo‘yicha 20 yoshli jahon chempioni Serik Ali halok bo‘ldi. Bu haqda Qozog‘iston muay-tay federatsiyasi o‘zining Instagram sahifasida ma’lum qildi.
Holat yuzasidan jinoyat ishi qo‘zg‘atilgan. Gumonlanuvchi voqea sodir bo‘lgan zahoti qo‘lga olingan va vaqtincha saqlash hibsxonasida saqlanmoqda. Dastlabki ma’lumotlarga ko‘ra, tanishlar o‘rtasida mojaro kelib chiqqan, ularning biri pichoq ishlatgan. Qurollari olib qo‘yildi.
Tailand boks federatsiyasi halok bo‘lgan sportchining oilasiga hamdardlik bildirdi.
