Gruziyaning saylangan prezidenti Mixail Kavelashvili rasman o‘z lavozimini egalladi, deb xabar berdi RIA Novosti.
Gruziya parlamenti saytida to‘g‘ridan-to‘g‘ri translyasiya qilingan Gruziya oltinchi prezidentining inauguratsiya marosimi taxminan bir soat davom etdi.
Kavelashvili qonun chiqaruvchi organning yalpi majlislar zalida tantanali qasamyod so‘zlarini aytdi, shundan so‘ng mamlakat madhiyasi yangradi.
Qayd etilishicha, Gruziyaning yangi prezidenti inauguratsiyasi davom etayotgan norozilik namoyishlari fonida bo‘lib o‘tdi.
