Bishkekning Pervomayskiy tuman sudi Qirgʻizistonning sobiq tabiiy resurslar, ekologiya va texnik nazorat vaziri Dinara Kutmanovaga nisbatan hukm chiqarib, uni mansab vakolatini suiisteʼmol qilganlikda aybdor deb topdi. Sud matbuot xizmatiga tayanib, 24.kg xabar berishicha, sobiq amaldor sakkiz yilga ozodlikdan mahrum etilgan va uch yilga davlat lavozimlarida ishlash huquqidan mahrum qilingan.
Undan tashqari, uning oʻgʻli Kemelbek Qutmanov ham sudlanuvchilar kursisida oʻtirgan. Sud uni juda koʻp miqdordagi firibgarlikda aybdor deb topdi va xuddi shunday muddat - sakkiz yilga ozodlikdan mahrum qildi. Bundan tashqari, unga uch yil davomida tadbirkorlik faoliyati bilan shugʻullanish taqiqlandi.
Shuningdek, sud ikkala mahkumning mol-mulkini musodara qilishga qaror qildi.
Dinara Qutmanovaning hibsga olingani haqida 2023-yil iyul oyida maʼlum boʻlgan edi. Milliy xavfsizlik davlat qoʻmitasi (MXDQ) maʼlumotlariga koʻra, u Tabiatni muhofaza qilish vazirligidagi budjet mablagʻlarini noqonuniy oʻzlashtirish bilan bogʻliq korrupsiya sxemalarining asosiy ishtirokchisi boʻlgan. Xususan, tergov faqatgina maxsus kiyimlarning davlat xaridlari bilan bogʻliq bitta epizodda uning oilasi 23 million somdan ortiq (taxminan 263 ming dollar) mablagʻni noqonuniy oʻzlashtirganini aniqladi.
Bundan tashqari, Qutmanova oʻz qarindoshlari, jumladan, oʻgʻlini ham jinoiy faoliyatga jalb qilgan. Kemelbek Qutmanov Turkiyaga ketishga ulgurgan, biroq keyinchalik ikki davlat maxsus xizmatlari koʻmagida Qirgʻizistonga ekstraditsiya qilingan.
