Markaziy bankning Bank nazorati qoʻmitasi tomonidan 2025-yil yanvar oyida 9 ta yigʻilish oʻtkazilib, ularda 44 ta masala koʻrib chiqildi va tegishli qarorlar qabul qilindi.
Muhokamalarning asosiy qismi roʻyxatdan oʻtkazish va litsenziyalash masalalariga bagʻishlandi. Ushbu yoʻnalishda kredit tashkilotlarining ustavlariga oʻzgartirishlar kiritish (7 ta holat), yangi mikromoliya tashkilotlarini roʻyxatdan oʻtkazish (11) va banklarning ustav kapitalidagi ulushlarga egalik qilishga ruxsatnoma berish (2 ta holat) kabi 36 ta masala koʻrib chiqildi.
Shuningdek, bank tuzilmalari bilan ishlash uchun bitta auditor malaka sertifikati berildi. Tijorat banklarida asosiy lavozimlarga, shu jumladan kuzatuv kengashlari va boshqaruv aʼzoligiga nomzodlar koʻrib chiqildi (14 ta holat).
Muhim qarorlardan biri “Start Kapital Invest” kredit uyushmasini tugatishni yakunlash va uni Kredit uyushmalari davlat reyestridan chiqarish boʻldi.
Bundan tashqari, qoʻmita kredit tashkilotlarining moliyaviy holatini tahlil qildi. Markaziy bank normativlariga rioya etilishi, tijorat banklari, mikromoliyalash va toʻlov tashkilotlarini tekshirish natijalari, shuningdek, fuqarolar va yuridik shaxslarning murojaatlarini koʻrib chiqish toʻgʻrisidagi qonun hujjatlarining ijro etilishi masalalari koʻrib chiqildi. Bu borada 8 ta masala oʻrganildi.
Tekshiruvlar natijasida qoidabuzarliklar aniqlandi. Toʻlov tizimining bir operatori Markaziy bank talablariga rioya qilmagani uchun ehtimoliy sanksiyalar toʻgʻrisida ogohlantirildi. Aniqlangan qoidabuzarliklar uchun 10 ta bankka nisbatan jarimalar qoʻllanildi.
