ЙҲХХнинг янги бошлиғи Шерзод Ибрагимов ашаддий ҳуқуқбузарларга қарши муросасиз курашишга ваъда берди. Унга кўра, хавфсизлик «пиёда – жамоат транспорти – велотранспорт – автотранспорт» устуворлиги асосида таъминланади.
Ўзбекистонда дастлабки олти ойда 1,6 мингдан ортиқ одам ЙТҲ содир этганликда айбланиб, улардан 551 нафари қамоқ жазосига ҳукм қилинган.
Ўзбекистон Олий суди йўл ҳаракати қоидаларини бузганлик учун маъмурий жавобгарликка тортилган шахслар сони ҳақидаги маълумотлар билан бўлишди.
Тошкент шаҳрининг Яшнобод туманида Mercedes ҳайдовчиси итнинг йўлга чиқиб кетиши туфайли пичан ортилган юк машинасига бориб урилди. Ҳайдовчи тан жароҳатлари билан касалхонага ётқизилган.
Тошкент шаҳрининг Муқимий кўчасида Chevrolet Menlo, Nexia, «ВАЗ-2106» ва «ВАЗ-2107» автомобиллари тўқнашиб кетди. Электромобил ҳайдовчиси тан жароҳатлари билан касалхонага ётқизилган.
Самарқанд вилоятида Damas ҳайдовчиси бошқарувни йўқотиб, бир гуруҳ ўсмирларни уриб юборди. Бир неча йигит ён томонга сакрашга муваффақ бўлган, бироқ машина икки пиёдани уриб юборган. Ҳодиса оқибатида қурбонлар бўлмаган.
Ўзбекистонда ЙТҲ ўлимнинг бешта асосий сабабларидан бирига айланди. БМТнинг Йўл ҳаракати хавфсизлиги кўрсаткичлари тадқиқотига кўра, ҳар йили мамлакатда ҳар 100 минг аҳолига 6,7 ўлим тўғри келади.
Тошкент вилоятининг Юқори Чирчиқ туманида 9 июнь куни самосвал Чирчиқ дарёсига қулаб тушди. Салонда ўтирган йўловчи вафот этган.
Қозоғистоннинг Жезқазған шаҳрида беш ёшли бола машина қўл тормозини тушириб, бирданига 5 кишини босиб кетди. Ҳодиса оқибатида қурбонлар йўқ. Бироқ тўрт нафар пиёда турли тан жароҳатлари олиб, шифохонага ётқизилган.
Тошкент вилоятида Lacetti ҳайдовчиси бошқарувни йўқотиб, бетон панжарага бориб урилган, шундан сўнг автомобиль ағдарилиб, ёниб кетган. Ҳодиса оқибатида жабрланганлар йўқ.
Тошкент вилояти Олмалиқ шаҳрида ҳайдовчи бошқарувни йўқотиши ортидан Damas каналга тушиб кетди. Маълум бўлишича, эркак спиртли ичимлик таъсирида бўлган.
Тошкент вилоятида Toyota Prado автомобили қарама-қарши йўлга чиқиб кетиб, Cobalt, Damas ва Spark билан тўқнашиб кетди. Ҳодиса оқибатида йўлтанламас ҳайдовчиси воқеа жойида вафот этган. Яна уч нафар жабрланувчи шифохонага етказилган.
Фарғона вилоятида 9-синф ўқувчиси трактор ҳайдаб кетаётиб, темир йўл рельсларига чиқиб кетган, шундан сўнг уни поезд уриб юборган. Ўқувчи оғир оқибатларга олиб келувчи тан жароҳатлари олган.
Жиззах шаҳрида тез ёрдам машинаси ҳайдовчиси пиёдалар ўтиш жойида аёлни уриб юборди. Жабрланувчи тан жароҳатлари билан касалхонага ётқизилган.
Наманган вилоятининг Янги Наманган туманида Lacetti русумли автомашинани бошқараётган 17 ёшли мактаб ўқувчиси йўл четида турган икки талабани уриб юборди. Оқибатда жабрланувчилардан бири енгил тан жароҳати олган, иккинчиси шифохонада вафот этган.
Аввалроқ Андижонда ҳайдовчи йўлни белгиланмаган қисмдан кесиб ўтаётган аёлни уриб юборгани ҳақида ёзган эдик. Андижон вилояти ИИБнинг аниқлик киритишича, 54 ёшли Nexia-3 ҳайдовчиси йўлни кесиб ўтаётган 62 ёшли аёлни уриб юборган. Жабрланувчи тан жароҳатлари билан шифохонага ётқизилган.