Senatda Raisning birinchi oʻrinbosari Sodiq Safoyevning Turkiyaning Oʻzbekistondagi Favqulodda va muxtor elchisi Olgan Bekar bilan uchrashuvi boʻlib oʻtdi. Tomonlar ikki mamlakat oʻrtasidagi strategik sheriklik mustahkamlanib borayotganini taʼkidlab, parlamentlararo hamkorlikni kengaytirish istiqbollarini muhokama qildi.
Malayziyaning Meraque kompaniyasi Oʻzbekistonda aqlli qishloq xoʻjaligi texnikasi va dronlar ishlab chiqarishni yoʻlga qoʻymoqchi. U ishlab chiqargan dronlar 100 ming gektar qishloq xoʻjaligi yerlariga xizmat koʻrsatish imkoniyatiga ega boʻladi.
2024-yilda respublika boʻyicha isteʼmolchilarga 1 mlrd chek boʻyicha 1 trln soʻmdan ortiq keshbek toʻlandi. Shundan dekabr oyi uchun 89,2 mlrd soʻm tasdiqlangan. Eng koʻp keshbekni Toshkent aholisi olgan: ularga 412 milliard soʻmdan ortiq mablagʻ hisoblangan.
Oʻzbekiston 2021-yil avgust oyida afgʻon uchuvchilari evakuatsiya qilingan yettita Black Hawk vertolyotini AQSHga yubordi.
Oʻzbekistonda fevral oyi boshida DXX va IIV xodimlari mamlakat boʻylab noqonuniy faoliyatni aniqlash va unga chek qoʻyishga qaratilgan yuzlab reydlar oʻtkazdi. Natijada oʻnlab jinoyatchilar qoʻlga olindi, giyohvand moddalar, qurol-yarogʻ va katta miqdordagi pullar musodara qilindi.
2024-yilda Oʻzbekiston xorijiy investitsiyalar va kreditlarni jalb qilishda sezilarli oʻsishni koʻrsatdi. Asosiy kapitalga kiritilgan investitsiyalarning umumiy hajmi 333,8 trln soʻmdan oshdi, shundan 150 trln soʻmdan ortigʻini toʻgʻridan-toʻgʻri xorijiy investitsiyalar tashkil etdi.
Kuala-Lumpurda Shavkat Mirziyoyevni rasmiy kutib olish marosimi boʻldi. Prezident faxriy qorovul safi oldidan oʻtdi. Soʻng davlat rahbarlari rasmiy delegatsiyalar aʼzolari va diplomatik korpus vakillarini qutladi.
Umumiy ovqatlanish va chakana savdo vakillari rasmiy maoshlarni oshirish va yashirin iqtisodiyot ulushini kamaytirishga yordam bergan ijtimoiy soliq boʻyicha imtiyozlarni uzaytirishni soʻrashdi. Ularning maʼlumotlariga koʻra, uch yil ichida ushbu sohalardagi xodimlarning daromadi 2,5 baravarga oshgan boʻlsa, imtiyozlar berilmagan kompaniyalarda bu koʻrsatkich ikki baravar past boʻlgan.
Uzcard toʻlov tizimida kadrlar almashinuvi yuz berdi. Ijrochi direktor Olimjon Zokirov UCMG kompaniyasi boshqaruvini topshirib, oʻz lavozimini tark etdi. Ijroiya organi vazifasini bajaruvchi tuzilmaning yangi rahbari — UCMG bosh direktori David Melikidze boʻldi.
2024-yilda Oʻzbekistonda aholi jon boshiga oʻrtacha daromad 24,1 mln soʻmni tashkil etib, oʻtgan yilga nisbatan 116,1 foizga oʻsgan. Biroq tovarlar va xizmatlar narxining oshishi tufayli real daromadlar atigi 105,9 foizga oshdi.
Oʻzbekiston Vazirlar Mahkamasi bojxona yigʻimlarining yangi stavkalarini tasdiqladi. Endilikda yigʻim miqdori bojxona organlari xarajatlaridan kelib chiqib hisoblanadi. Muhim oʻzgarishlardan biri — ish vaqtidan tashqari vaqtda tovarlarni rasmiylashtirish uchun toʻlovning pasaytirilishi, dastlabki deklaratsiyalashda chegirma berilishi boʻldi.
Oʻzbekistonda bojxona nazoratidan navbatda turmasdan tezda oʻtish imkonini beruvchi Fast-track pulli xizmati rasman joriy etilmoqda. Ushbu xizmatdan foydalanuvchi yoʻlovchilar, shuningdek, ularning bagaji va qoʻl yuki alohida zonada tekshiriladi, bu jarayonni tezlashtiradi.
2024-yilda Oʻzbekiston fuqarolik sudlari minglab oilalarni ajrashishdan qutqarishga yordam berdi. Sud organlari ham fuqarolik va iqtisodiy nizolarni hal qilishda mediatsiyadan faol foydalandilar. Bundan tashqari, bolalar uchun aliment undirish boʻyicha qariyb 80 mingta daʼvo qanoatlantirildi.
Prezident Shavkat Mirziyoyev aholini ish bilan taʼminlash va investitsiyalarni jalb qilish masalalari boʻyicha yigʻilish oʻtkazdi. Joriy yilda 5,2 million aholining bandligini taʼminlash, 1,5 million kishini kambagʻallikdan chiqarish rejalashtirilgan.
Oʻzbekistonda plastikdan foydalanish, ayniqsa, qadoqlash, transport va qurilishda sezilarli darajada oʻsishi qayd etilgan. Biroq qayta ishlashning yetarli darajada rivojlanmaganligi va chiqindilarni alohida yigʻishning yoʻqligi vaziyatni murakkablashtirmoqda.
Oʻzbekistonda 3-fevral holatiga bir gramm oltinning narxi rekordni yangilab, 1,197 mln soʻmdan oshdi. Qimmatbaho metall bir oyda 5,79 foizga ishonchli oʻsishni koʻrsatdi, bir yil ichida oʻlchovli quymalar 41 foizga qimmatlashdi.
Asosiy voqealardan birinchi boʻlib xabar topish uchun Telegram kanalimizga obuna boʻling.