Oʻzbekiston aholisi ortiqcha quyosh energiyasini sotishdan daromad topishda davom etmoqda. Ular 2024-yilda energiya tizimiga 12 mln kVt/soatni oʻtkazib, buning uchun 12,2 mlrd soʻm subsidiya olgan. Toʻlovlar boʻyicha Xorazm viloyati, Qoraqalpogʻiston va Toshkent yetakchi boʻldi.
“Motorika” kiberprotezlar ishlab chiqaruvchisi Toshkentdagi ikki bolaga “Hamma birga” va “Ezgulik jugʻrofiyasi” jamgʻarmalari koʻmagida bionik protezlar berdi. “Взгляд.uz” tadbirda boʻlib, turmushda yordam beradigan yangi qurilmalarni olgan bolalarning his-tuygʻularini yozib oldi.
25-yanvar, shanba kuni “Navroʻz” bogʻidagi hunarmandlar Oʻzbekiston prezidenti Shavkat Mirziyoyevga ustaxonalar egalariga nisbatan oshirilgan ijara toʻlovini bekor qilishda yordam soʻrab videomurojaat yoʻllagan. 2024-yil boshidan buyon narx ikki baravardan koʻproq oshdi. Oxirgi oʻsish 2025-yil yanvar oyida boʻldi.
Toshkent aholisi ijtimoiy tarmoqlarda “Bizga toza havo kerak” shiori ostida chellenj uyushtirib, hukumatdan ekologik vaziyatni yaxshilash choralarini talab qildi. Avvalroq poytaxt havo ifloslanishi eng yuqori boʻlgan shaharlar orasida birinchi oʻringa chiqib, yil boshidagi antirekordni yangilagandi.
Toshkent havo ifloslanishi eng yuqori boʻlgan shaharlar orasida birinchi oʻrinni egalladi. Oʻzbekiston poytaxti atmosferasida PM2.5 zararli moddalarining konsentratsiyasi ruxsat etilgan meʼyordan 36,8 baravar oshdi.
Xalq Nazorati xizmati shaharning asosiy muammolari boʻyicha fuqarolarning murojaatlarini yigʻishda davom etmoqda. Shikoyatlarning aksariyati kommunal xizmatlar va yoʻllarning holatiga tegishli. Uchtepa tumani masalalarni yechish samaradorligi boʻyicha yetakchiga aylandi, Shayxontohur esa autsayderga.
Toshkent dunyoning boshqa yirik shaharlarini ortda qoldirib, havoning ifloslanishi boʻyicha yetakchiga aylandi. Xavfsiz meʼyorlardan yuqori ifloslanish darajasi shahar aholisining sogʻligʻiga jiddiy taʼsir koʻrsatishi mumkin. Mutaxassislar aholining zaif qatlamlari uchun jiddiy xavf-xatarlar haqida ogohlantiradi va ekologik vaziyatni yaxshilashga chaqiradi.
Uzunligi 23,8 km boʻlgan yangi temiryoʻl Toshkentni Parkent bilan bogʻlaydi. Loyiha doirasida koʻpriklar, tunnellar va yoʻl oʻtkazgichlarni qurish rejalashtirilgan. Loyihaning amalga oshirilishi Parkentning togʻli hududlariga sayyohlarni jalb qilishi kutilmoqda. Qurilishni yakunlash muddati hozircha maʼlum emas.
“Oʻzbekiston temir yoʻllari” kompaniyasi “Toshkent — Xoʻjakent” elektropoyezdi yoʻnalishi Chinorkent stansiyasigacha uzaytirilishini maʼlum qildi. Yangi stansiyada uzunligi 150 metr boʻlgan ayvonli perron qurildi.
Toshkentda advokat va uning sherigi qoʻlga olindi. Maʼlum qilinishicha, ular hukmni 10 yildan 6 yilga qisqartirishga erishish vaʼdasi uchun 20 ming dollar soʻragan. Pulni prokuratura organlaridagi tanishlar orqali berish rejalashtirilgandi.
Toshkentlik bloger kelin libosida va “Er qidiryapman” yozuvli qogʻoz bilan koʻchaga chiqqan, biroq huquq-tartibot xodimlari uni jarima tahdidi bilan ushlab ketishgan. 2023-yilda Oʻzbekistonda bunday kontentni birinchi boʻlib Maryam Tillayeva suratga olishga muvaffaq boʻlgan, ammo u hatto boʻlimga chaqirilmagan edi.
Toshkentda bir kishi ishga ketayotib, toʻsatdan qimirlay boshlagan shubhali sumkani koʻrib qoldi. Sumka ichida adyolga oʻralgan chaqaloq bor ekan. Fuqaroning tezkor harakati va militsiya xodimlarining samarali ishi tufayli bolaning hayoti saqlab qolindi.
ATTO transport kartalarining taqchilligi chayqovchilar tomonidan sotib olish va qayta sotish bilan bogʻliq boʻlib, buning natijasida metroga kirish narxi 50 ming soʻmgacha yetadi. Kompaniya bir qoʻlda ikkita karta sotishni cheklab qoʻydi va yangi partiyalarni tayyorlamoqda.
Oʻtgan yil oxirida Oʻzbekiston hukumati mamlakat poytaxti Toshkent shahrini 2045-yilgacha rivojlantirish bosh rejasini tasdiqladi. Yangi hujjat shahar aholisi va investorlarning zamonaviy tendensiyalari va ehtiyojlarini hisobga oladi. Shuningdek, reja shaharning tarixiy qiyofasini saqlab qolish va qulay shahar muhitini yaratishga yordam beradigan dizayn kodini ishlab chiqishni nazarda tutadi.
Toshkentda Uchtepa tumanidagi mahallalardan birining hokim yordamchisi 30 ming dollar pora olayotgan vaqtida qo‘lga olindi. Amaldor fuqaroga yer uchastkasini rasmiylashtirishda yordam berishni va’da qilgan.
Toshkent xalqaro aeroportida yashil zonada mushuklar uchun yangi uychalar oʻrnatildi. Tashabbus “Mushukkent” loyihasi va Toshkent arxitektura-qurilish instituti talabalari bilan hamkorlikda amalga oshirildi.
Asosiy voqealardan birinchi boʻlib xabar topish uchun Telegram kanalimizga obuna boʻling.