Buxoro viloyatida 12 yoshli qiz homilador bo‘ldi. U 4 oylik muddat bilan perinatal markazga yotqizilgan. Bolalar ombudsmani jinoyat ishi qo‘zg‘atilganini ma’lum qildi. Tergov ishlari olib borilmoqda.
Ijtimoiy tarmoqlarda avtomobil bir tog‘ hojatxona qog‘ozini ag‘darib yuborgani va undan bloger sakrab tushgani aks etgan video tarqaldi. Hayot uchun xavfli nayrangni bajarib, rolikni suratga olgach, erkak har tarafga sochilib ketgan qog‘oz massasini olib ketmadi. Holat Ekologiya vazirligi va YHXB mutaxassislari tomonidan o‘rganildi.
Mirziyoyev muvofiqlashtiruvchi kengash tuzish to‘g‘risidagi qarorni imzoladi, unga Sardor Umurzakov boshchilik qiladi. Kengash tarkibida xavfsizlik, ijtimoiy qurilish, ijtimoiy-iqtisodiy rivojlanish, tashqi siyosat va boshqa masalalar bo‘yicha ishchi guruhlar bo‘ladi.
2025-yil 1-yanvardan boshlab Toshkent shahrida yer usti jamoat transportida yo‘lkira haqini naqd pul bilan to‘lash to‘xtatildi va QR-kodli bir martalik chiptalar muomalaga kiritildi. Tashtrans.uz bu qanday chiptalar ekani, ularni qanday sotib olish va ulardan foydalanish bo‘yicha eng ko‘p uchraydigan savollarga javoblar bilan qisqacha yo‘riqnoma tayyorladi.
3-yanvar kuni O‘zbekistonda yog‘ingarchiliksiz sovuq ob-havo bo‘lishi kutilmoqda. Kechasi va ertalab Toshkentda tuman tushishi mumkin.
O‘zbekistonda Tahliliy va tadqiqot tuzilmalari bo‘yicha muvofiqlashtiruvchi kengash tuziladi. Uning asosiy vazifasi prezidentga mamlakat ichki va tashqi siyosati bo‘yicha takliflarni muntazam ravishda taqdim etib borishdan iborat.
31-dekabrdan 12-yanvarga qadar Toshkent viloyatining Bo‘stonliq tumanidagi dam olish maskanlari — Amirsoy, Bildirsoy va Chimyonda transport harakati bir tomonlama tashkil etildi.
Toshkentda metan zapravkasida videotasvir suratga olgan erkak mayda bezorilik uchun 15 sutkaga ma’muriy qamoq jazosiga hukm qilindi. Bundan tashqari, erkakdan 843 ming so‘m undirilgan.
2024-yilda “O‘zbekko‘mir” rekord ko‘rsatkich — 6,7 mln tonna ko‘mir qazib olishga erishdi va ishlab chiqarishni o‘tgan yilga nisbatan 15 foizga oshirdi. “Angren” va “Apartak” konlari asosiy hissa bo‘lib, mos ravishda 5,5 mln va 1,2 mln tonnadan ortiq qazib olishdi.
O‘zbekiston SSV 2025-yil 1-yanvar kuni 796 nafar o‘g‘il bola va 845 nafar qiz bola dunyoga kelganini ma’lum qildi. Chaqaloqlar orasida 22 juft egizak va bitta uch egizak bor. Chaqaloqlar soni bo‘yicha Farg‘ona viloyati yetakchi bo‘ldi, u yerda 244 nafar chaqaloq ro‘yxatga olingan.
2024-yil sentyabr oyida vafot etgan Dunyo bo‘ylab telekanali jurnalistining singlisi O‘zbekiston prezidenti va Saida Mirziyoyevaga uzoq davom etgan tergovga aralashishni so‘rab murojaat qildi. Uning ta’kidlashicha, opasi vafot etgan “Doktor Servis” klinikasi nufuzli futbolchi Server Jeparovga tegishli.
Saida Mirziyoyeva Yangi yil arafasida O‘zbekistonda davolanayotgan falastinlik bolalarga prezidentning tilaklari va sovg‘alarni yetkazdi.
O‘zbekiston musulmonlari idorasi to‘y, ma’raka va oilaviy tantanalar uchun haddan tashqari ko‘p mablag‘ sarflanayotganini tanqid qildi. Muftiy islom dini isrofgarchilikni qoralashini eslatdi. U musulmonlarni tantanalarni sipolik bilan o‘tkazishga, mablag‘larni muhtojlarga yordamga yo‘naltirishga chaqirdi.
Adliya vazirligi kriptoaktivlarni olib qo‘yish, saqlash va o‘tkazish tartibini belgilovchi yo‘riqnomani tasdiqladi. Yangi tartib ulardan dalil sifatida foydalanish, zararni qoplash uchun xatlash va musodara qilishni nazarda tutadi.
2025-yil 1-yanvardan umumiy ovqatlanish korxonalari, mehmonxona biznesi va turoperatorlar uchun yangi soliq imtiyozlari joriy etiladi.
Rossiyada ota-onasisiz qolgan 15 nafar bola O‘zbekistonga qaytarildi. Repatriatsiyani O‘zbekistonning Moskvadagi elchixonasi, O‘zbekiston prezidenti huzuridagi Ijtimoiy himoya milliy agentligi va boshqa davlat muassasalari tashkil etdi.
Asosiy voqealardan birinchi boʻlib xabar topish uchun Telegram kanalimizga obuna boʻling.