Toshkentda Maxtumquli ko‘chasidagi Kichik halqa yo‘li bilan o‘tadigan yo‘l yopiladi. Yo‘lning yopilishi qariyb 20 kun davom etadi. Ish davrida haydovchilarga aylanma yo‘nalishlardan foydalanish tavsiya etiladi.
O‘zbekistonga Turkmaniston, Ozarbayjon, Gruziya va Ruminiya orqali O‘zbekistonni Yevropa bilan bog‘laydigan Kaspiy — Qora dengiz xalqaro transport yo‘nalishiga kirish imkoniyati beriladi. Yuklarni ortish Ruminiyaning Konstansa portida amalga oshiriladi, tovarlarning bir qismi esa Do‘nay daryosi orqali Yevropaning boshqa mamlakatlariga yuboriladi.
2024-yil davomida “O‘zenergoinspeksiya” tomonidan tabiiy gaz va elektr energiyasidan noqonuniy foydalanish bo‘yicha 8289 ta holat aniqlangan. Energiya resurslarining noqonuniy iste’mol qilinishi davlatga 1 trln 409 mlrd so‘m zarar yetkazgan.
Ozon marketpleysi O‘zbekistonda 500 grammgacha bo‘lgan tovarlar uchun bepul ekspress-yetkazib berishni yo‘lga qo‘ydi, u yanvar oyining oxirigacha amal qiladi. Tashabbus qishki noqulay ob-havo va yangi yil bayramlari paytida buyurtmalarni qabul qilishni tezlashtirish va mijozlarning xarajatlarini kamaytirishga qaratilgan.
27 dekabr kuni Qirg‘izistonning Jalolobod shahrida Xitoy, Markaziy Osiyo va Yevropani bog‘laydigan strategik infratuzilma loyihasini ishga tushirish marosimi bo‘lib o‘tdi. Yangi temir yo‘l mintaqani xalqaro bozorlarga olib chiqadi, yuk tashish muddatini qisqartiradi va iqtisodiy aloqalarni mustahkamlaydi. Ishtirokchi davlatlar rahbarlari loyihani hamkorlik, do‘stlik va farovonlik ramzi, deb atadi.
UzAuto Motors va UzAuto Motors Powyertrain bosh direktori Bo Anderson o‘z lavozimini tark etdi. U uch yil davomida kompaniyalarni boshqargan. Anderson davrida Andijonda Tracker va Onix modellari ishlab chiqarila boshlandi.
Germaniya prezidenti Frank-Valter Shtaynmayer Bundestagni tarqatib yubordi va muddatidan oldin saylovlarni tayinladi — ular 2025-yil 23-fevralda o‘tkaziladi. Bundan oldin deputatlar kansler Olaf Sholsga ishonchsizlik votumini bildirgan edi.
Termizda onasining do‘pposlashidan jabr ko‘rgan 15 yoshli qizga nisbatan zo‘ravonlik ishi tergov qilinmoqda. Avvalroq ayol oiladagi zo‘ravonlik uchun javobgarlikka tortilgan, ammo bolasiga nisbatan zo‘ravonlikni davom ettirgan.
2024-yil 30-sentyabr holatiga ko‘ra, mamlakat tashqi qarzi 2023-yilga nisbatan 7,2 mlrd dollarga oshgan. Qarzlarning o‘sishiga korporativ sektor eng katta hissa qo‘shdi, uning ulushi 27,7 milliard dollarga yetdi. So‘nggi ikki yilda aynan xususiy kompaniyalar tashqi qarzni oshirishning asosiy omiliga aylandi.
2025-yilda O‘zbekistonda tamaki va alkogol mahsulotlariga soliq stavkalari o‘zgaradi. Shu bilan birga, import aroq va konyak uchun stavka kamayadi.
O‘zbekiston Rafahdan jarohatlangan 100 nafar falastinlik ayol va bolalarni hamrohlar bilan evakuatsiya qildi. Ular reabilitatsiya markazlari hamda shifoxonalarga davolanish va sog‘lig‘ini tiklash uchun joylashtiriladi.
KXDR prezidenti Kim Chen In 100 yoshli xonimni tavallud kuni bilan tabriklab, unga dasturxonni sovg‘a qildi. U bolalari va hamqishloqlariga “hozirgi sosialistik tuzum dunyodagi eng yaxshi tuzumdir” deb aytdi.
O‘zbekiston prezidenti Shavkat Mirziyoyev Sankt-Peterburgda bo‘lib o‘tgan Oliy Yevroosiyo iqtisodiy kengashining navbatdagi yig‘ilishida ishtirok etdi.
28-dekabrdan boshlab Toshkentdan Chorvoq shahriga avtobuslar qatnay boshlaydi. Poytaxtda “Mashinasozlar” metro bekati yaqinidagi avtobus bekati boshlang‘ich nuqta bo‘ladi. Yo‘lkira narxi 20 ming so‘mni tashkil etadi.
27-dekabr kuni O‘zbekistonda qishning birinchi oyi oxiriga mos keladigan sovuq ob-havo bo‘lishi kutilmoqda. Respublikada yog‘ingarchilik kutilmaydi, ayrim joylarda tuman tushishi mumkin.
Qoraqalpog‘istonda 2022-yil iyul oyida sodir bo‘lgan voqea va faktlarni o‘rganish bo‘yicha komissiya O‘zbekiston parlamentiga hisobot taqdim etdi. Komissiya a’zolari davlat organlari va huquqni muhofaza qiluvchi tuzilmalarning ommaviy tartibsizliklarni bartaraf etish borasidagi sa’y-harakatlariga ham baho berdi.
Asosiy voqealardan birinchi boʻlib xabar topish uchun Telegram kanalimizga obuna boʻling.