Ijtimoiy tarmoqlarda telefon orqali oʻzini Markaziy bank xodimi deb tanishtirgan firibgarlar fuqarolardan shaxsiy maʼlumotlarni olishga urinayotgani haqida xabar tarqaldi. Markaziy bank respublika aholisiga kredit bermasligi va moliyaviy xizmatlar koʻrsatmasligini eslatib oʻtdi.
Ijtimoiy tarmoqlarda Toshkent shahrining Olmazor tumanidagi poliklinikaning orqa hovlisida fuqaro oʻzini osib qoʻygani haqidagi maʼlumot tarqaldi. Bosh prokuratura bu xabarni tasdiqladi.
AQSH prezidenti Jo Bayden bir nechta jinoiy ishda aybdor deb topilgan oʻgʻli Xanter Baydenni afv etdi. Sentyabr oyida Baydenning oʻzi ham, uning matbuot kotibi ham oʻgʻlini afv etish toʻgʻrisida farmon chiqarmasligini taʼkidlagan edi.
Oʻzbekiston Filippin bilan Jahon savdo tashkilotiga aʼzo boʻlish boʻyicha muzokaralarni yakunladi. Prezidentning maxsus vakili Azizbek Oʻrunovning aytishicha, soʻnggi ikki oy ichida Oʻzbekiston JSTga qoʻshilish boʻyicha toʻrtta davlat bilan muzokaralar olib borgan.
Konstitutsiya kunida besh kunlik ish haftasida ishlaydigan oʻzbekistonliklar uch kun ketma-ket dam olishadi. Buning sababi, bu yil 8-dekabr yakshanbaga, yaʼni dam olish kuniga toʻgʻri keladi. 9-dekabr, dushanba kuni ham bayram munosabati bilan dam olish kuni boʻladi.
2-dekabr holatiga koʻra, Toshkent shahrida havoning ifloslanish darajasi meʼyordan toʻrt barobar oshib ketdi.
Rossiyalik bloger va jurnalist Aleksey Pivovarov, uning suratga olish guruhi va Hook.report jurnalisti Farida Masxetova Nukusda qoʻlga olinib, IIBB binosida saqlanmoqda. Nashr maʼlumotiga koʻra, “suhbatga chaqirilish”ga fuqarolardan birining bildirgisi sabab boʻlgan, biroq tergovchi arizani koʻrsatish va savollarga javob berishdan bosh tortgan.
Oʻzbekiston va Xitoy oʻrtasida Oʻzbekiston fuqarolari uchun 30 kun muddatga vizasiz rejim toʻgʻrisidagi bitim imzolandi. Vizasiz rejim qachon kuchga kirishi hozircha aniqlashtirilmagan.
AQSHning saylangan prezidenti Donald Tramp “dollardan chiqib ketishga” va xalqaro savdoda Amerika valyutasini almashtirishga uringan BRIKS mamlakatlari uchun 100 foizlik boj toʻlash bilan tahdid qildi.
Oʻzbekistonda uchta viloyatning 12 ta tuman hokimi elektr energiyasi va gazni tejash rejalarini buzgani, ulardan foydalanish limitlarini oshirgani uchun hayfsan oldi. Energiya resurslarini oʻgʻirlagani uchun 2 nafar hokim va 3 nafar hokim oʻrinbosari jazolandi.
Abu-Dabi aeroportida Oʻzbekistonning 31 nafar fuqarosi ushlab turildi. Ularning barchasi Toshkentdan Wizz Air aviakompaniyasining reysida kelgan. Elchixona yuzaga kelgan vaziyatni hal etish uchun barcha choralar koʻrilayotganini taʼkidladi.
Davlat kadastrlar palatasi Yangihayot tumani filialining sobiq boshligʻi 25 ming dollar pora olgani uchun 12 yil ozodlikdan mahrum etildi.
Qonunchilik palatasida avtobus yoʻlagiga chiqish uchun jarimalar bilan bogʻliq yangi qonun loyihasi koʻrib chiqilmoqda. Birinchi qoidabuzarlik uchun jarima miqdori BHMning uch barobariga, bir yil ichida takroran sodir etilsa, besh barobariga tenglashtiriladigan boʻladi.
Oʻzbek va xitoylik arxeologlar Mingtepa yodgorligi hududida hamda Sirdaryo shimolida olib borilgan qazishmalar chogʻida yettita maqbara va koʻplab qadimiy buyumlarni topishdi.
Noyabr oyi boshida yuz nafar Oʻzbekiston fuqarosi E-9 ishchi vizalari bilan Koreyaga joʻnab ketdi, ammo ikki nafar mehnat muhojiri bir necha kundan soʻng ishdan qochib ketdi. Endi ularni Oʻzbekistonga qaytarish va ota-onalariga chet elda boʻlgan har bir oyi uchun 2 ming AQSH dollari miqdorida jarima solish kutilmoqda.
Shveysariyadagi Lombard Odier banki Oʻzbekiston birinchi prezidentining qizi, hozirda manzil-koloniyada jazoni oʻtayotgan Gulnora Karimova pullarini yuvishda ayblanmoqda. “Взгляд.uz” nashri maʼlumotlariga koʻra, Karimova ushbu xususiy bankda turli hisob raqamlarida 550 mln dollardan ortiq mablagʻ saqlagan.
Asosiy voqealardan birinchi boʻlib xabar topish uchun Telegram kanalimizga obuna boʻling.