Тошкентда Дота 2 йўналиши бўйича «ZIYO CUP» киберспорт турнири ташкил этилди, унда 400 га яқин талаба иштирок этди. Пойтахт ва Тошкент вилоятидан келган ўқувчилар 22,5 млн сўмлик пул мукофотлари учун курашдилар. Тадбир Халқаро фан ва таълимни ривожлантириш жамғармаси томонидан ўтказилди.
Қашқадарё вилоятининг Шаҳрисабз шаҳридаги хусусий клиникалардан бирида 28 ёшли аёл ҳаётдан кўз юмди. Лор шифокор томоқ шишини бартараф этишга уринган, бироқ беморнинг аҳволи тўсатдан ёмонлашиб, у вафот этган. Соғлиқни сақлаш бошқармаси Бизнес-омбудсманга хизмат текшируви ўтказишни сўраб мурожаат қилди.
Июль ойида Чорвоқ шаҳрида 19 ёшли йигит гидроциклда уч дам олувчини уриб юборган, улардан иккитаси ҳалок бўлган. Суд уни уч йилга озодликдан маҳрум қилди.
Ижтимоий тармоқларда Хоразм вилояти Шовот туманидаги 7-мактаб ўқитувчиси мактаб ўқувчисини калтаклагани акс этган видео тарқалди. Болалар омбудсмани вазиятни ўрганмоқда.
Ўзбекистонда янги қишлоқ хўжалиги ерларини суғориш учун тошқин сувларини йиғиш режалаштирилмоқда. Қурилаётган сув омборлари суғориш, иш ўринлари яратиш, юзлаб оилаларнинг камбағалликдан чиқишига хизмат қилади. Сув истеъмолини ҳисобга олиш учун онлайн мониторингга эга Рақамлаштириш маркази ташкил этилади.
Автомобиль йўллари қўмитаси йўллардаги чуқурликлар, ўйиқлар ва бошқа нуқсонлар ҳақида хабар бериш мумкин бўлган call-марказ очди. Қайд этилишича, бузилган йўллар бўйича чоралар фақат халқаро ва республика аҳамиятига молик трассаларда кўрилади.
Дам олиш кунлари Ўзбекистон ҳудудида салқин об-ҳаво бўлиши кутилмоқда. Ёғингарчилик бўлмайди. Кечаси ҳарорат 0 даражагача пасаяди.
Ижтимоий ҳимоя миллий агентлиги қошидаги Халқаро инклюзив марказ ёшлар учун бепул курсларни очади. Марказ ММТВ, Бандлик вазирлиги, Zamin жамғармаси, UINCEF ва бошқалар кўмагида ишламоқда.
2025 йилда каналларни бетонлашга 800 млрд сўм йўналтирилади. Сув таъминотини яхшилаш ва янги микро ГЭСларни ишга тушириш мақсадида 18 минг километр магистраль ва 94 минг километр ички каналлар бетонлаштирилади.
Тошкентга 19 нафар йўловчини сиғдира оладиган яна бир ихчам LET L-410 самолёти келтирилди. У Ўзбекистонда ички ҳаво қатновларини ривожлантириш учун мўлжалланган.
«Тошкент метрополитени» АЖ 9 та ҳожатхона ҳамда она ва бола хоналари қурилиши ҳақида маълум қилди. Яқинда ижтимоий тармоқларда йўловчилардан бири «Пахтакор» бекати перронида ҳожатини чиқараётгани тасвирланган видео тарқалганди.
6 ноябрдан бошлаб Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан суюлтирилган газ нархларининг ошишига чекловлар ўрнатилди. Шунингдек, сотувчининг бошланғич нархидан 20 фоизгача бўлган чегара белгиланди.
Жиззахда тадбиркорларга газ учун қарийб 4 млрд сўмлик қарздорлик асоссиз равишда ҳисобланган. Мурожаатлар асосида Рақобат қўмитаси текширув ўтказиб, «Ҳудудгазтаъминот»га қарздорликни бекор қилишни топширди.
8 ноябрдан бошлаб фуқароларга 2018 йил 1 майгача ўзбошимчалик билан эгалланган ер участкаларига, шунингдек, уларда қурилган бино ва иншоотларга бўлган ҳуқуқларини қонунийлаштириш имконини берувчи қонун кучга киради.
Шаҳар атрофи ва вилоят ичидаги шаҳарлараро автобус йўналишларида зарарларни қоплаш бўйича давлат хизмати кўрсатиш тартиби тасдиқланди. 2025 йил 1 февралдан бошлаб ташувчилар ЯИДХП орқали субсидия олиш учун ариза топширишлари мумкин бўлади.
Ўзбекистон Солиқ қўмитаси ҳудудлар кесимида саноатда иш ҳақи даражаси ҳақида маълумот берди.
Asosiy voqealardan birinchi boʻlib xabar topish uchun Telegram kanalimizga obuna boʻling.