Тошкентда ноқонуний рекламаларга қарши кенг кўламли кураш бошланди. Бунда нафақат тўсиқларга ўрнатилган оддий баннерлар, балки пешлавҳалар, баланд биноларнинг олд томонидаги реклама баннерлари ва бошқа ҳажмли иншоотлар ҳам эътибордан четда қолмади.
Ироқнинг мусулмон партиялари мамлакатда қизлар учун розилик ёшини 18 ёшдан 9 ёшгача пасайтириш тўғрисидаги янги қонунни қабул қилиш учун таклиф киритди. Бундан ташқари, аёлларни ажралиш, фарзандлар васийлигини олиш ва мерос ҳуқуқларидан маҳрум қилмоқчи.
Қозоғистонда бўлган ёки транзит йўналишда кетаётган ўзбекистонликлар йўлларда эҳтиёткор бўлишга чақирилди. Об-ҳавонинг кескин ёмонлашуви сабабли Қозоғистон ҳудудларида жала ёмғирлар, туман ва қаттиқ совуқ кутилмоқда.
Президент Шавкат Мирзиёев Саудия Арабистони ва Озарбайжонга расмий ташриф билан боради. Давлат раҳбари ҳар икки тадбирда ҳам маъруза қилади, хорижий раҳбарлар ва халқаро ташкилотлар вакиллари билан учрашади.
Тошкент, Самарқанд ва Бухородан эрталабки рейслар Москвага сезиларли даражада кечикиб етиб келди. Рейсларнинг кечикиши ва захира аэродромларга йўналтирилишига Москва вилоятига қилинган дронлар ҳужуми сабаб бўлди.
Биткоин тарихда биринчи марта 79 минг доллар чегарасидан ошди. АҚШ президенти сайловида Дональд Трамп ғалаба қозонгандан сўнг биткоин нархининг ўсиши тезлашди.
Ўзбекистон терма жамоаси аралаш якка кураш (ММА) бўйича жаҳон чемпионатининг медаль ҳисобида биринчи ўринни қўлга киритди.
Қатар террорчилик ҳаракати раҳбарларини ўт очишни тўхтатиш ва исроиллик гаровга олинганларни озод қилиш тўғрисидаги келишувга кўндиришга бир неча бор уринишлардан сўнг, АҚШ талабига биноан ҲАМАС раҳбариятини мамлакатдан чиқариб юборишга розилик берди.
Олий Мажлис Қонунчилик палатаси 2025 йилга мўлжалланган давлат бюджети харажатларини муҳокама қилиш бўйича мажлис ўтказди. Маблағларнинг қарийб 25 фоизи таълимга йўналтирилиши режалаштирилмоқда.
2025 йилда каналлар ва котлованларни бетонлаштириш учун 800 млрд сўм ажратилади, шунингдек, 10 та янги тошқин сув омбори қурилади. Апрель ойига қадар 15 минг километр ички ариқларни бетонлаштириш режалаштирилмоқда. Сув тежовчи технологияларга 700 миллиард сўм субсидия ва 2,5 трлн сўм кредит йўналтирилади.
Афруза Ҳамдамова Бразилияда 16 ёшгача бўлган қизлар ўртасида ўтказилган мусобақада ғалаба қозониб, ўсмирлар орасида FIDE жаҳон чемпионлигининг иккинчи унвонини қўлга киритди. У қизғин курашда 10 имкониятдан 9,5 очко тўплади.
Самарқанд вилоятида бир оиланинг тўрт аъзоси консервадан заҳарланди. Улар ботулизм ташхиси билан касалхонага ётқизилган, кенжа фарзанд вафот этди. Шифокорлар ўлимга бошқа касаллик сабаб бўлганини айтмоқда. Бироқ Санэпидқўмита бунга заҳарланиш сабаб бўлган деб ҳисоблаяпти.
9 ноябрь куни Тошкент шаҳар ҳокимлиги экоблогер Мўътабар Хушвақтова (Ўрикгули) билан ҳамкорликда «Хазон чиқинди эмас, ўғит!» акциясини ўтказмоқда. Ушбу акция шаҳар аҳолисини тўкилган баргларни ёқишдан воз кечиб, уларни табиий ўғит сифатида фойдаланишга ундашга қаратилган.
Ўзбекистон миллий жамоаси 14 ва 19 ноябрь кунлари бўлиб ўтадиган Қатар ва Шимолий Кореяга қарши ўйинларга тайёргарлик кўрмоқда. Кенгайтирилган таркибга 24 нафар футболчи, шу жумладан, жароҳатидан сўнг тикланаётган Остон Ўрунов ҳам киритилди.
Тошкент шаҳрининг Шайхонтоҳур туманида мансабдор шахслар солиқ ишларини бажаришда кўплаб хатоларга йўл қўйиб, давлатга катта зарар етказган. 200 та иш бўйича жами 202,9 млрд сўмлик ҳуқуқбузарликлар аниқланган. Ҳолат юзасидан Тошкент шаҳар прокуратураси томонидан жиноят иши қўзғатилган.
Иссиқлик таъминоти билан боғлиқ муаммоларни тезкорлик билан ҳал этиш мақсадида Тошкент шаҳрининг ҳар бир туманида ишчи гуруҳлар ташкил этилди. Аҳоли иситиш тизимидаги носозликлар ёки масалалар бўйича эълон қилинган рақамлар орқали мурожаат қилиши мумкин.
Asosiy voqealardan birinchi boʻlib xabar topish uchun Telegram kanalimizga obuna boʻling.