Тошкентнинг Чилонзор туманидаги 188-мактабда ўқитувчи ўқувчига рус тили дарсларини ўзбек тилида олиб бораётгани ҳақида танбеҳ берганидан кейин уни калтаклаган. Болалар омбудсмани вазиятни назоратга олди.
Қорақалпоғистонда «Довуд ота» чегара пости божхона ходимлари автомобилнинг мусиқа устунларида 18 кг дан ортиқ мефедронни олиб ўтмоқчи бўлган. Ҳолат юзасидан жиноят иши қўзғатилган.
Бектемирдан Чорвоққача бўлган йўл қисмини пулли қилиш режалаштирилган. Туркия компанияси 69 км узунликдаги ушбу йўл участкасини реконструкция қилади.
Ижтимоий ҳимоя миллий агентлиги камбағал оилалар реестрини тузади. Рўйхат «маҳалла еттилиги»нинг ижтимоий турмуш шароитларини ўрганиш асосида тузилади.
Ўзбекистонда «Камбағалликдан фаровонлик сари» дастури ишга туширилади. Унинг биринчи галдаги мақсади жорий йил охиригача 500 минг, 2025 йилда эса 1 миллион кишини камбағалликдан чиқаришдан иборат.
Qanot Sharq ноябрь ойидан бошлаб Тошкентдан Тель-Авивга парвозларни амалга оширади. Компания ҳафтада бир марта шаҳарлар ўртасида учади.
Париж Олимпиадаси ғолиби Асадхўжа Мўйдинхўжаев Instagram саҳифасида президент совға қилган Tahoe автомобилида соатига 110 км тезликка чиқаётганини кўрсатиб мақтанди. ИИББ ҳозирча бу ҳодисага изоҳ бермади.
Афғонистоннинг минглаб фуқаролари яқинда очилган Ўзбекистон–Афғонистон чегарасида жойлашган «Термиз» халқаро савдо марказига келмоқда. Блогер Қобил Хидировнинг сўзларига кўра, қўшни давлатдан харидорлар ташрифидан сўнг «Термиз» марказидаги витриналар деярли бўм-бўш қолмоқда.
Олий ва ўрта махсус таълим вазирлиги интернетдан текширилмаган аудио, фото ва видео материалларни юклаб олиш хавфи ҳақида огоҳлантирди. Шунингдек, фойдаланувчилар диний материалларга лайк босиш ҳақида огоҳлантирилди.
Ўзбекистон президенти Шавкат Мирзиёев кам таъминланган оилаларга қўшимча 50 минг гектар ер ажратиш бўйича топшириқ берди. Бу ташаббусни у республикада қурилиш соҳасини ривожлантириш бўйича йиғилишда илгари сурди.
Божхона ходимлари Туркманистондан «Хўжадавлат» бекатига келган юк поезди контейнерини текшириш чоғида 700 мингдан ортиқ акциз маркасисиз сигарет қутисини аниқладилар. Тамаки маҳсулотларининг тахминий қиймати 17 миллиард сўмни ташкил этди. Божхоначилар юкни мусодара қилиб, унинг келиб чиқишини текширишга киришди.
Шайхонтоҳур тумани ҳокими вазифасини вақтинча бажарувчи этиб илгари маъмурият раҳбари Ботир Зоҳидовнинг биринчи ўринбосари лавозимида ишлаган Исомиддин Сайритдинов тайинланди. Эслатиб ўтамиз, Зоҳидов 23 сентябрь куни Беҳзод Мусаев ўрнига Камбағалликни қисқартириш ва бандлик вазирлигига раҳбарлик қилганди.
Беҳзод Мусаев Камбағалликни қисқартириш ва бандлик вазири лавозимидан озод этилиб, ҳукумат таркибига ўтадиган Ташқи меҳнат миграцияси агентлиги раҳбари этиб тайинланди.
Тошкентда «Россия таълими. Тошкент – 2024» Кўргазмада Россия Федерациясининг 21 минтақасидан 50 та олий таълим муассасаси иштирок этди. Бундан ташқари, Ростов вилояти губернаторининг пойтахтга ташрифи доирасида Россия ва Ўзбекистон университетлари ўртасида ҳамкорлик тўғрисидаги битимлар имзоланди.
Тошкент вилояти экологлари вилоят прокуратураси ва ҳуқуқни муҳофаза қилувчи органлар билан ҳамкорликда Қуйи Чирчиқ тумани ҳудудидан оқиб ўтувчи Чирчиқ дарёсининг қўриқланадиган зонасида махсус техникалар ёрдамида қум-шағал аралашмаси ноқонуний қазиб олинаётганини аниқлади. Табиатга етказилган зарар 183 миллиард сўмдан ошди, жарима майдончасига махсус техникалар жойлаштирилди.
Бухоро вилояти Ромитан туманида ҳоким ёрдамчиси 10 ёшли мактаб ўқувчисини уриб юборди. Ҳайдовчи қоидаларни бузиб, юқори тезликда кетаётган эди. Ҳолат юзасидан жиноят иши қўзғатилган.
Asosiy voqealardan birinchi boʻlib xabar topish uchun Telegram kanalimizga obuna boʻling.