Апелляция суди биринчи инстанция судининг Саидазиз Саидалиев ва бошқаларга нисбатан чиқарган ҳукмини ўз кучида қолдирди. Жиноят ишлари бўйича Юнусобод туман судининг қарори билан Саидазиз Саидалиев ва яна 22 киши 5 йилдан 20 йилгача муддатга озодликдан маҳрум этилди. Товламачилик иши бўйича яна 13 нафар маҳкумнинг шикоятлари ҳам рад этилди.
Фарғонада қизалоқ ҳалок бўлган ЙТҲни содир этган шахс 6 йил муддатга озодликдан маҳрум этилди. Айбдор ўз айбини тан олган, бироқ 113 миллион сўм миқдоридаги товон пулини тўлай олмаслигини маълум қилган.
Омборхонада аравасига шикаст етказган сотувчи-консультантни дўппослаган Inbazar дўконлар тармоғи ходими 7 сутка маъмурий қамоқ жазосига, видеотасвирга олган йигит эса 5 сутка қамоқ жазосига ҳукм қилинди.
3 сентябрь куни ОАВда Самарқандда нафақахўрнинг СССРни қайта тиклашга чақиргани ва республиканинг конституциявий тузумига тажовуз қилгани учун ҳукм этилгани ҳақида хабар тарқалди. 74 ёшли эркакка 3 йил озодликни чеклаш жазоси берилди. «Миллий тикланиш» партияси раҳбари Алишер Қодиров «совет тузумини маъқуллаш ёки тарғиб қилиш халқ ва аждодларга хиёнат» эканини таъкидлади. Шу билан бирга, Ўзбекистон билан ташқи савдо айланмаси бўйича етакчи ҳисобланган Хитой сиёсатининг асосини марксизм-ленинизм мафкураси ташкил этади.
Эрон ҳокимияти блогер Ҳусайн Шанбеҳзодани 12 йил қамоқ жазосига ҳукм қилди. Бунга унинг ижтимоий тармоқлардаги хатти-ҳаракати сабаб бўлди — у Эрон Олий раҳбари Али Хоманаийнинг постига жавобан фақат бир нуқтадан иборат твит жойлаштирган эди.
5 август куни жиноят содир этганликда гумон қилинган Саидазиз Саидалиев ва яна 28 кишига нисбатан ҳукм чиқарилди. Эслатиб ўтамиз, «Саидазиз Медгородок» 2023 йил охирида криминал авторитетларнинг оммавий ҳибсга олиниши чоғида қўлга олинганди.
Нурафшон туманлараро маъмурий суди судьяси айбдор деб топилиб, жиноий жазога ҳукм қилинди. У оммавий-ҳуқуқий низоларни кўриб чиқиш жараёнида 27 та ҳолатда адолатсиз қарорлар қабул қилгани исботланган.
Мирзо Улуғбек туман суди Телеграм каналлардан биридаги пост остида ҳақоратомуз изоҳ ёзган фуқарога нисбатан ҳукм чиқарди. Эркак ўз миссиясини якунлаётган Исроилнинг Ўзбекистондаги элчиси ҳақида салбий фикр билдирган.
«Бахти Ташкентский» иши бўйича айбланган ягона аёл Наргиза Жуманиёзова суд залида озод этилди. У товламачиликда айбланиб, 4 йилу 4 ойга озодликни чеклаш жазосига ҳукм қилинди.
Фарғона вилоятида 10 йилдан бери алимент тўлашдан бўйин товлаб келган ота қўлга олинди. Эркак шу вақт давомида Россияда бўлган, унга нисбатан маъмурий иш очилган.
7 июнь куни Тошкент суди Telegram мессенжери орқали ноткоин криптовалютасини сотган Термиз давлат университети битирувчисини айбдор деб топди. Айбланувчи ўз айбига тўлиқ иқрор бўлди ва 10 суткага қамоқ жазосига ҳукм қилинди.
Asosiy voqealardan birinchi boʻlib xabar topish uchun Telegram kanalimizga obuna boʻling.