Жанубий Корея мудофаа вазири Ким Ён Хён КХДР Россияга ёрдам бериш учун Украинага қўшин юбориши мумкинлигини айтди. Бунинг сабаби сифатида у яқинда Москва ва Пхенян ўртасида имзоланган «ҳарбий иттифоққа ўхшаш» шартномани келтирди.
Украина ва Россиянинг 2,5 йиллик йўқотишлари сони миллионга етди. The Wall Street Journal маълумотларига кўра, 200 минг россиялик ҳарбий хизматчи ҳалок бўлган, яна 400 мингга яқини яраланган, Украинада эса 80 минг киши ҳалок бўлиб, 400 минг киши яраланган.
Курск вилоятига бостириб кирган украиналик ҳарбийлар CNNга катта йўқотишлар, Россия ҳарбийларининг яхши тайёргарлиги, Старлинк сунъий йўлдош интернетининг алоқаси ёмонлиги ва Вагнер ХҲК байроқлари ҳамда белгилари кўрингани ҳақида сўзлаб берди.
CNN телеканали россиялик ҳарбийлар украиналик ҳарбийларни ўлдираётгани акс этган видеони эълон қилди. Бош прокуратура уруш бошланганидан бери 62 нафар украиналик ҳарбий ҳалок бўлган 28 та бундай воқеани текширмоқда.
Қирғизистон Жогорку Кенеши депутати Исъҳоқ Масалиев 4 сентябрь куни бўлиб ўтган парламент йиғилишида республика Украина билан урушда Россияга ёрдам бериши кераклигини айтди. Масалиев Россия Федерациясида Қирғизистоннинг бир миллионга яқин фуқароси ишлашини таъкидлаб, мамлакатлар КХШТ бўйича иттифоқчи эканини қўшимча қилди. Парламент спикери Нурланбек Шакиев депутатнинг таклифини изоҳсиз қолдирди.
Мексика президенти Андрес Мануэль Лопес Обрадор Украина илтимосига биноан Россия президенти Владимир Путинни ҳибсга олишдан бош тортди. У «буни қила олмаслигини» маълум қилди.
АҚШ президентлигига номзод Дональд Трамп президентликка расман киришишидан олдин ҳам Украинадаги урушни ҳал қилишга тайёрлигини маълум қилди. Бу ҳақда у Мичигандаги нутқида айтиб ўтди.
Ўзбекистон БМТ бош ассамблеясининг Украинадаги атом иншоотлари, жумладан, Запорожье АЭСнинг техник ва жисмоний хавфсизлиги тўғрисидаги резолюциясига овоз беришда бетараф қолди.
Россияда гиёҳванд моддалар савдоси учун судланган Ўзбекистон фуқароси «Вагнер» сафига қўшилган ва 2022 йилдан 2023 йилгача Украинага қарши урушда иштирок этган. Бунинг учун медал билан тақдирланган. Эркак ўз ватанига қайтиб келгач, икки ярим йиллик ахлоқ тузатиш ишларига ҳукм қилинди.
Қўшма Штатлар Украинага энергетика инфратузилмасини тиклаш учун $824 млн, гуманитар эҳтиёжлар учун $379 млн ортиқ ва чегарачилар ва ҳуқуқ-тартибот идораларига биринчи ёрдам кўрсатиш учун яна $300 доллар ажратишни режалаштирмоқда. Россия томони Украинага ёрдам можаронинг чўзилишига ёрдам бериши мумкин, деб ҳисоблайди.
Россия президенти Владимир Путин Украина билан урушни тўхтатиш учун шартларни «реал бўлмаган» деб атади. Россия раҳбари Украинанинг тан олинмаган ДХР, ЛХР, Херсон ва Запорожье ҳудудларини унга тўлиқ беришни, шунингдек, НАТОга қўшилишдан воз кечишни талаб қилди.
Германия канцлери Олаф Шольцнинг айтишича, Украина яқин ўн йилликда НАТОга аъзо бўлиши даргумон. Унинг қайд этишича, бундай қарор альянснинг аввалги саммитларида ҳам қабул қилинган ва у яқин келажакда қайта кўриб чиқилмайди.
18 апрель куни World Press Photo–2024 ғолиблари номи маълум бўлди. Йил сурати жиянининг жасадини қучоқлаган фаластинлик аёлнинг сурати бўлди. Украиналик фотограф Юлия Кочетова «Очиқ формат» номинациясида ғолиб чиқди. Ижодкор «бу фотосуратлар бўлмаса, яхши бўларди», деб таъкидлади.
Asosiy voqealardan birinchi boʻlib xabar topish uchun Telegram kanalimizga obuna boʻling.