Исроил мудофаа армияси 23 сентябрь куни Ливандаги 300 дан ортиқ «Ҳизбуллоҳ» объектига зарба берганини маълум қилди. Мамлакат Соғлиқни сақлаш вазирлиги 182 киши ҳалок бўлгани ва 727 дан ортиқ киши яралангани ҳақида хабар берди.
Ўзбекистон БМТ Бош Ассамблеясининг Исроилдан ўз қўшинларини босиб олинган Фаластин ҳудудларидан олиб чиқишни талаб қилувчи резолюциясини қўллаб-қувватлади. Фаластин томонидан таклиф этилган ва бир қатор мамлакатлар томонидан қўллаб-қувватланган қарор учун 124 давлат овоз берди.
Украина ва Россиянинг 2,5 йиллик йўқотишлари сони миллионга етди. The Wall Street Journal маълумотларига кўра, 200 минг россиялик ҳарбий хизматчи ҳалок бўлган, яна 400 мингга яқини яраланган, Украинада эса 80 минг киши ҳалок бўлиб, 400 минг киши яраланган.
Курск вилоятига бостириб кирган украиналик ҳарбийлар CNNга катта йўқотишлар, Россия ҳарбийларининг яхши тайёргарлиги, Старлинк сунъий йўлдош интернетининг алоқаси ёмонлиги ва Вагнер ХҲК байроқлари ҳамда белгилари кўрингани ҳақида сўзлаб берди.
Исроилликлар 11 ой давомида Фаластин радикаллари асирлигида ушлаб турилган Ғазо секторидаги гаровга олинганларни озод қилиш бўйича зудлик билан битим тузишни талаб қилиб, шанба куни Тел-Авив ва бошқа шаҳарларда ҳукуматга қарши минглаб митингларга чиқди.
Қирғизистон Жогорку Кенеши депутати Исъҳоқ Масалиев 4 сентябрь куни бўлиб ўтган парламент йиғилишида республика Украина билан урушда Россияга ёрдам бериши кераклигини айтди. Масалиев Россия Федерациясида Қирғизистоннинг бир миллионга яқин фуқароси ишлашини таъкидлаб, мамлакатлар КХШТ бўйича иттифоқчи эканини қўшимча қилди. Парламент спикери Нурланбек Шакиев депутатнинг таклифини изоҳсиз қолдирди.
АҚШ президентлигига номзод Дональд Трамп Россия билан яхши муносабатлар ўрнатиш кераклигини айтди. Республикачи, шунингдек, у ва унинг жамоаси хорижда тўхтовсиз урушларга чек қўйиш ниятида эканини қўшимча қилди.
Европа Иттифоқи дипломатияси раҳбари Жозеп Боррелнинг айтишича, Яқин Шарқдаги вазият кескин нуқтага етган ва минтақа учун ҳам, бутун дунё учун ҳам ўта хавфли бўлиб қолган.
Маҳаллий ОАВ хабарларига кўра, Исроил расмийлари разведка маълумотларининг ишончлилигига тўлиқ ишонч ҳосил қилса, Эронга қарши превентив зарба беришга тайёр.
Россияда гиёҳванд моддалар савдоси учун судланган Ўзбекистон фуқароси «Вагнер» сафига қўшилган ва 2022 йилдан 2023 йилгача Украинага қарши урушда иштирок этган. Бунинг учун медал билан тақдирланган. Эркак ўз ватанига қайтиб келгач, икки ярим йиллик ахлоқ тузатиш ишларига ҳукм қилинди.
Исроил Бош вазири Биньямин Нетаньяху мамлакат ҲАМАС гуруҳига қарши ҳарбий амалиётларни давом эттиришини айтди. У Рафаҳ қочқинлар лагерига ҳаво ҳужуми уюштирилгани ортидан халқаро танқидларга қарамай шундай баёнот берди. Ҳужум оқибатида ўнлаб фаластинликлар ҳалок бўлди, юзлаб одамлар яраланди ва куйиш тан жароҳатларини олди.
Дания парламенти Фаластинни мустақил давлат сифатида тан олишга қарши овоз берди. 28 май куни Ирландия, Норвегия ва Испания Европа Иттифоқида биринчилардан бўлиб, Фаластин мустақиллигини расман тан олди.
Германия канцлери Олаф Шольцнинг айтишича, Украина яқин ўн йилликда НАТОга аъзо бўлиши даргумон. Унинг қайд этишича, бундай қарор альянснинг аввалги саммитларида ҳам қабул қилинган ва у яқин келажакда қайта кўриб чиқилмайди.
Халқаро суд Исроилга Рафаҳдаги ҳарбий амалиётни тўхтатишни буюрди. Давлат Рафаҳ назорат пунктини ҳам очиқ тутиши керак.
2023 йилда дунё мамлакатлари томонидан ҳарбий харажатлар 2,44 трлн долларгача ошди, бу тарихдаги рекорд кўрсаткичдир. Глобал харажатларнинг қарийб ярми фақат учта давлатга тўғри келади — АҚШ, Хитой ва Россия.
18 апрель куни World Press Photo–2024 ғолиблари номи маълум бўлди. Йил сурати жиянининг жасадини қучоқлаган фаластинлик аёлнинг сурати бўлди. Украиналик фотограф Юлия Кочетова «Очиқ формат» номинациясида ғолиб чиқди. Ижодкор «бу фотосуратлар бўлмаса, яхши бўларди», деб таъкидлади.
Asosiy voqealardan birinchi boʻlib xabar topish uchun Telegram kanalimizga obuna boʻling.