Prezident Shavkat Mirziyoyev Toshkent–Xoʻjakent yoʻnalishi boʻyicha yangi elektropoyezdni koʻzdan kechirdi. Safar chogʻida davlat rahbari temir yoʻl infratuzilmasini rivojlantirish, yoʻlovchilar uchun sharoitlarni yaxshilash, yoʻl boʻyidagi hududlarni obodonlashtirish boʻyicha hisobotlarni tingladi.
Dam olish kunlari Oʻzbekistonda tuman va qor yogʻishi kutilmoqda. Harorat noldan pastga tushadi.
Oʻzbekiston prezidenti Shavkat Mirziyoyev Qirgʻiziston prezidenti Sadir Japarovga qoʻngʻiroq qilib, uni tugʻilgan kuni bilan tabrikladi. Japarov 56 yoshga toʻldi.
Fransiya prezidenti Emmanuel Makron bosh vazir Mishel Barnening isteʼfoga chiqish haqidagi iltimosini qabul qildi. Qisqa vaqt ichida davlat rahbari yangi bosh vazirni tayinlaydi va yangi hukumat tuziladi.
Samarqand — Toshkent — Samarqand yoʻnalishida qoʻshimcha “Afrosiyob” poyezdlari qatnovi yoʻlga qoʻyiladi. Qoʻshimcha reyslar 2024-yil 15-dekabrdan 31-dekabrgacha, shuningdek, 2025-yil 3-yanvardan 12-yanvargacha amalga oshiriladi.
Kelgusi yilda Oʻzbekistondan 800 nafargacha malakali mutaxassis Janubiy Koreyaning “Samsung Heavy Industries” korxonalarida taʼlim olib, ish bilan taʼminlanadi. Mutaxassislarga uch yillik E-7 ish vizasi beriladi.
Shavkat Mirziyoyev avtomobilsozlik sohasidagi ustuvor vazifalar haqidagi taqdimot bilan tanishdi. 2025-yilda BYD elektromobillari uchun 60 ta detal ishlab chiqarishni yoʻlga qoʻyish ularning tannarxini pasaytirish imkonini berishi taʼkidlandi.
Navoiy viloyatida maktablar yaqiniga radarlar oʻrnatildi. Ular 30 km/soatlik tezlik chegarasidan oshgan haydovchilarni qayd etadi.
Oʻzbekiston Sogʻliqni saqlash vazirligi huzurida dori vositalari va tibbiy jihozlarni xarid qilish boʻyicha yagona markaz tashkil etiladi. 2025-yildan boshlab markaz mahsulotlarni ularning ishlab chiqaruvchilari yoki rasmiy vakillaridan toʻgʻridan-toʻgʻri shartnomalar asosida sotib olish huquqiga ega boʻladi.
Qashqadaryo viloyati 2025-yilda 3,5 milliard dollar investitsiya jalb qilib, eksportni 1 mlrd dollarga yetkazmoqchi.
Toshkentda mashhur aviaspotter Muhammadrasul Muhiddinov yana hibsga olindi. IIV maʼlum qilishicha, huquqni muhofaza qiluvchi organlarga spotterlar boʻyicha koʻrsatmalar berilgan, tegishli xulosalar chiqarilmoqda.
Oliy taʼlim, fan va innovatsiyalar vaziri oʻrta maxsus taʼlim muassasalari uchun taʼtilni 25-dekabrdan boshlash toʻgʻrisidagi buyruqni imzoladi.
Soat 09:00 dan boshlab Samarqand va Qashqadaryo viloyatlarini bogʻlovchi dovonda favqulodda vaziyatlarning oldini olish maqsadida oʻquv mashgʻulotlari oʻtkaziladi. Mashgʻulotlar davomida yirik toshlarni tashlash ishlari bajariladi, shu munosabat bilan dovon vaqtincha harakat uchun yopiladi.
Qozogʻiston va Qirgʻiziston 280 km uzunlikdagi “Olmaota — Uzinagʻash — Kastek — Mixaylovka — Choʻlpon-Ota” yoʻlini qurishga kelishib oldi.
DXX rahbari lavozimini tark etgan Abdusalom Azizov prezidentning ijtimoiy-siyosiy, diniy-maʼrifiy va yoshlar masalalari boʻyicha maslahatchisining oʻrinbosari lavozimiga tayinlandi. Maslahatchi lavozimiga esa sobiq adliya vaziri Ruslanbek Davletov tayinlandi.
3-dekabr kuni Pekinda “Xitoyda Oʻzbekiston turizm yili”ning rasmiy ochilish marosimi boʻlib oʻtdi. Bir necha kun avval mamlakatlar 30 kunlik vizasiz rejim joriy etish toʻgʻrisidagi bitimni imzolagandi.
Asosiy voqealardan birinchi boʻlib xabar topish uchun Telegram kanalimizga obuna boʻling.