Oʻzbekiston Milliy avtosport va karting federatsiyasi FIM aʼzosi sifatida rasman tan olindi. FIMga aʼzolik Oʻzbekistonga xalqaro musobaqalarda qatnashish, tajriba almashish hamda mototsikl va avtomobil sportini rivojlantirish imkoniyatini beradi.
Oʻzbekistonlik oʻquvchilar qishki taʼtilga 29-dekabrda chiqadi. Yangi yildagi III chorak darslari 2025-yil 13-yanvardan boshlanadi.
Oʻzbekistonda reklama biznesi faol rivojlanmoqda. 2024-yil 1-dekabr holatiga koʻra, reklama faoliyati bilan shugʻullanuvchi tadbirkorlar soni 1686 taga yetdi. Tadbirkorlik subyektlarining eng yuqori konsentratsiyasi Toshkent shahrida kuzatilib, u yerda jami kompaniyalarning 65 foizdan ortigʻi faoliyat yuritadi.
Oʻzbekistonga sayyohlik maqsadlarida tashrif buyurgan Germaniya fuqarolari soni 2024-yilning dastlabki oʻn oyida 27,1 foizga oshgan. Sayohatlarning asosiy maqsadi sayohatlar va qarindoshlarnikiga tashriflar boʻlib qolmoqda.
Oʻzbekistonda ommaviy tartibsizliklarni tashkil etish maqsadida taʼlim olish va ularni moliyalashtirish uchun javobgarlik joriy etilishi rejalashtirilmoqda. Qonun loyihasi Rossiya va Belarus tajribasini inobatga olgan holda ishlab chiqilgan.
“Milliy tiklanish” partiyasi rahbari Alisher Qodirov baʼzi rossiyalik siyosatchilarning Rossiya va Markaziy Osiyo mamlakatlari oʻrtasida viza rejimini joriy etish tashabbusini qoʻllab-quvvatlash zarurligini, shuningdek, Rossiyaga ishlash uchun borayotgan oʻzbekistonlik mehnat muhojirlariga qoʻyiladigan talablarni kuchaytirish kerakligini taʼkidladi.
Qirgʻizistonning Jalolobod viloyatida temir yoʻl qurilishi uchun 44,29 gektar yer ajratildi. Xitoy — Qirgʻiziston — Oʻzbekiston loyihasini amalga oshirish maqsadida Qirgʻiziston bosh vaziri Aqilbek Japarov tegishli qarorni imzoladi.
Mark Treynor Oʻzbekistonda Yangi Zelandiyaning yangi elchisi etib tayinlandi. Oʻzbekiston Tashqi ishlar vazirligi rahbari diplomatni lavozimga tayinlanishi munosabati bilan tabriklab, ikki mamlakat oʻrtasidagi hamkorlik istiqbollarini muhokama qildi.
Oʻzbekistonlik diplomatlar Campus France bosh direktori bilan uchrashuv oʻtkazdi. Uchrashuvda tomonlar Oʻzbekiston–Fransiya universitetini tashkil etish masalasini muhokama qildi. Fransiya qoʻshma taʼlim loyihalarini qoʻllab-quvvatlashga tayyorligini bildirdi.
2024-yilda ishsizlik darajasi boʻyicha eng yomon davlatlar reytingida Oʻzbekiston 187 ta mamlakat ichida 113-oʻrinni egalladi. MDH davlatlari orasida Oʻzbekiston ishsizlik darajasi boʻyicha Tojikistondan keyin toʻrtinchi oʻrinni egalladi.
Oʻzbekistonning Buyuk Britaniyadagi elchisi Worshipful Company of World Traders gildiyasi raisi bilan uchrashuv oʻtkazdi. Uchrashuvda Oʻzbekiston va Buyuk Britaniya oʻrtasidagi savdo-iqtisodiy va investitsiyaviy hamkorlik istiqbollari koʻrib chiqildi.
“Серебряный дождь” radiokanalining koʻrsatuvida tinglovchilar Oʻzbekiston Konstitutsiyasining tarixi va yangilangan tahriri haqida maʼlumot oldilar. Rossiyaning Novosibirsk viloyati bilan iqtisodiy, ilmiy va madaniy sohalardagi hamkorlikni rivojlantirishga alohida eʼtibor qaratildi. Mintaqada aloqalarni mustahkamlash va oʻzbekistonliklarning huquqlarini himoya qilish istiqbollari muhokama etildi.
2024-yilning yanvaridan oktyabrigacha Oʻzbekiston Rossiya shokolad mahsulotlari umumiy eksportining 12 foizini xarid qildi. Importchilar orasida Qozogʻiston 25 foizlik ulush bilan yetakchilikni saqlab qoldi, uchinchi oʻrinda esa 15 foizlik ulush bilan Belarus joylashdi.
Oʻzbekistonning ayrim hududlarida 360 darajali videokuzatuv tizimiga ega maxsus avtobuslar faoliyat yurita boshladi. Yangi avtobuslar yoʻllardagi qonunbuzarliklarni har tomonlama kuzatuvni taʼminlovchi kameralar yordamida qayd etmoqda.
Oʻzbekistonda “Maxsus iqtisodiy zonalar toʻgʻrisida”gi qonunga oʻzgartish va qoʻshimchalar kiritildi. Qonun maʼmuriy kengashlarni bekor qiladi, investitsiya loyihalarini koʻrib chiqish jarayonini soddalashtiradi va asosiy vakolatlarni maxsus iqtisodiy zonalar direksiyalariga beradi. Oʻzgartirishlar qaror qabul qilishni tezlashtirish va byurokratiyani kamaytirishga qaratilgan.
The Diplomat jurnalistlarining fikricha, Olmaliq kon-metallurgiya kombinati asosiy kreditori — “Gazprombank”ka qarshi sanksiyalar joriy etilgandan soʻng moliyalashtirish topishda qiyinchiliklarga duch keladi. Qariyb 5 mlrd dollarlik “Yoshlik” konini kengaytirish loyihasi xavf ostida qolishi mumkin, chunki Rossiya banki bilan hamkorlik ikkilamchi sanksiyalarga olib kelishi ehtimoli bor.
Asosiy voqealardan birinchi boʻlib xabar topish uchun Telegram kanalimizga obuna boʻling.