Oʻzbekiston xavf-xatarlarni minimallashtirish va ijtimoiy larzalardan qochish orqali bosqichma-bosqich iqtisodiy islohotlarni amalga oshirmoqda. Yondashuvning asosiy xususiyatlari asta-sekinlik, ijtimoiy himoya va milliy xususiyatlarni hisobga olishni oʻz ichiga oladi. Bu mamlakatning barqaror rivojlanishini taʼminlaydi.
Oʻzbekiston prezidenti Qurolli Kuchlar tashkil etilganining 33 yilligi va Vatan himoyachilari kuni munosabati bilan harbiy xizmatchilarga tabrik yoʻlladi. U “dunyodagi hozirgi favqulodda murakkab vaziyatda” harbiy xizmatchilar jismoniy va maʼnaviy shayligini oshirish muhimligini taʼkidaldi.
Oʻzbekiston prezidenti Shavkat Mirziyoyev 14-yanvar kuni “Abu-Dabi barqaror rivojlanish haftaligi” sammitida nutq soʻzladi. Davlat rahbari oʻz nutqida bugungi kunda energiya manbalarini diversifikatsiya qilish va ulardagi uglevodorodlar ulushini keskin kamaytirish iqlim oʻzgarishi oqibatlarini yumshatish, barqaror taraqqiyot va global xavfsizlikni taʼminlashning asosiy sharti ekanini taʼkidladi.
O‘zbekiston prezidenti Birlashgan Arab Amirliklari prezidentining taklifiga binoan rasmiy tashrif bilan ushbu mamlakatga jo‘nab ketdi. U mamlakat rahbariyati bilan uchrashadi, “Abu-Dabi barqaror rivojlanish haftaligi” sammitida ishtirok etadi va Dubayga tashrif buyuradi.
Prezident Shavkat Mirziyoyev transport va logistika tizimini yanada rivojlantirish chora-tadbirlari boʻyicha taqdimot bilan tanishdi. Chegaradan yuk mashinalarining oʻtish sharoitlarini yaxshilash uchun elektron navbat tizimi va transport vositalarining onlayn monitoringi joriy etiladi.
Shavkat Mirziyoyev qisqa muddatli mehnat ta’tilidan qaytib, odatdagi tartibda ishlay boshladi. Davlatimiz rahbari 4 kun dam oldi.
O‘zbekiston prezidenti Shavkat Mirziyoyev 6-yanvardan qisqa muddatli mehnat ta’tiliga chiqdi. Ta’til qancha davom etishi va davlat rahbari uni qayerda o‘tkazishi ma’lum emas.
Shavkat Mirziyoyev Yangi Orleanda sodir etilgan terrorchilik harakati oqibatida ko‘plab insonlar qurbon bo‘lgani munosabati bilan AQSH prezidenti Jo Baydenga hamdardlik bildirdi. 2025-yil 1-yanvarga o‘tar kechasi Yangi Orleanda avtomobil shahar markazida Yangi yilni nishonlayotganlar orasiga bostirib kirgandi.
Prezident Shavkat Mirziyoyev MDH davlat rahbarlarining Sankt-Peterburgdagi norasmiy uchrashuvida ishtirok etdi. Tomonlar 2024-yildagi birgalikdagi ishlarga yakun yasab, kelgusi yilga mo‘ljallangan hamkorlikning ustuvor vazifalarini ko‘rib chiqdi.
Prezident Shavkat Mirziyoyev Vladimir Putinning taklifiga binoan 25-26-dekabr kunlari bo‘lib o‘tadigan MDH va YOII sammitlarida ishtirok etish uchun amaliy tashrif bilan Sankt-Peterburgga boradi.
Shavkat Mirziyoyev mutasaddilar ishtirokida mehmonxona va savdo sohasida erishilgan yutuqlar, eksportni qoʻllab-quvvatlash, infratuzilmani rivojlantirish va soliq siyosatini muhokama qildi. Shuningdek, u kambagʻallikni qisqartirish va 2025-yilga moʻljallangan rejalar, jumladan, investitsiyalarni koʻpaytirish va Oʻzbekistonning Jahon savdo tashkilotiga aʼzo boʻlishi doirasida islohotlarni davom ettirish haqida gapirdi.
Toshkent viloyati Boʻstonliq tumanidagi Sea Breeze xalqaro turizm markazining qiymati 10 milliard dollarni tashkil etadi. Prezident kelgusi yilda mehmon oʻrinlari yana 30 mingtaga yetkazilishini taʼkidladi.
Oʻzbekiston 2025-yilda 26,5 milliard kub metr gaz qazib chiqarishni rejalashtirmoqda. Ushbu maqsadga erishish uchun mamlakatimiz gaz konlarini qidirishga 2 milliard dollar xorijiy investitsiyalar jalb etiladi.
Prezident Shavkat Mirziyoyev 1-iyulga qadar tegishli guvohnomalarning qogʻoz shaklini bekor qiladigan yagona ijtimoiy karta tizimini ishlab chiqish boʻyicha koʻrsatma berdi. Ijtimoiy karta bilan avtobus va metroda bepul yurish mumkin, shuningdek, bu kartaga elektr energiyasi, gaz va oʻqish xarajatlari uchun kompensatsiyalar, nafaqalar va pul yordami ham toʻlanadi.
Shavkat Mirziyoyev va Vladimir Putin telefon orqali suhbatlashdi. Davlat rahbarlari ikki tomonlama aloqalarni mustahkamlash masalalarini koʻrib chiqib, Ukraina va Suriyadagi vaziyat yuzasidan fikr almashdi.
10-dekabr kuni Shavkat Mirziyoyev ishtirokida yigʻilish boʻlib oʻtdi. Yigʻilishda yer uchastkalaridan foydalanishni optimallashtirish chora-tadbirlari toʻgʻrisidagi masalalar muhokama qilindi. Asosiy eʼtibor ish oʻrinlarini koʻpaytirish, investitsiyalarni jalb qilish va infratuzilmani yaxshilashga qaratildi.
Asosiy voqealardan birinchi boʻlib xabar topish uchun Telegram kanalimizga obuna boʻling.