Ўзбекистон ФВВ Сурхондарё вилояти Бойсун туманидаги «Мустақилликнинг 25 йиллиги» конидаги қудуқлардан бирида водород сулфиднинг сизиб чиқишига изоҳ берди. Вазирлик оммавий заҳарланиш ҳолатлари йўқлигини маълум қилди, аммо енгил заҳарланиш ҳолатлари мавжудлигини тан олди.
Қирғизистон президенти қирғизистонлик боксчининг секунданти сифатида иштирок этган ўзбекистонлик мураббийга автомобиль совға қилди. Натижада спортчи Париж Олимпиадасида кумуш медални қўлга киритганди.
Фуқаролик ишлари бўйича Учтепа туман суди халқ артисти Шерали Жўраевнинг биринчи никоҳидан туғилган ўғли Ботир Қодировнинг ҳозирги ўғилларига бўлган даъвосини кўриб чиқди. Қодиров оталикни белгилашни талаб қилганди. Суд Ботир Қодировни Шерали Жўраевнинг биологик ўғли деб топиб, унинг фойдасига ҳал қилув қарори қабул қилди.
Россия Ўзбекистонда дрон ва полимер материаллар ишлаб чиқаришни, шунингдек, темир йўл ускуналарини ишлаб чиқарувчи корхоналарни ташкил этишни режалаштирмоқда. Қўшма инвестиция лойиҳалари 60 миллиард долларга баҳоланмоқда.
Бухородаги ўзбек қўғирчоқлари музей-устахонаси ёпилиш хавфи остида. Устахонани савдо нуқтасига беришмоқчи. Маданият ва санъатни ривожлантириш жамғармаси вазиятни назоратга олди.
Рақобат қўмитаси «Агробанк»нинг Навоий вилоят бошқармасига қарийб 2,1 миллиард сўмлик тендер савдоларида қонунбузарлик ҳолатларига йўл қўйгани учун тегишли чоралар кўрилганини маълум қилди.
Ўзбекистонда патентланган ихтиролар ва саноат намуналаридан ноқонуний фойдаланганлик учун товон тўлаш тартиби ўзгармоқда. Илгари товон миқдори етказилган зарар миқдорига боғлиқ бўлса, энди у 3 млн сўмдан 340 млн сўмгача бўлади.
Payze ва Newmax Technologies компанияларининг собиқ ходими Иззат Шукуров Yandex Uzbekistan раҳбари этиб тайинланди. Бунгача Yandex Uzbekistan штат жадвалида бундай лавозим йўқ эди. Бу «мамлакатда хизматлар ва лойиҳалар сонининг ўсиши» ортидан пайдо бўлди.
Ўзбекистонда Умра сафарининг янги мавсуми бошланди. Умра-2024 мавсумининг иле зиёратчилар гуруҳи Тошкент халқаро аэропортидан Саудия Арабистонига учиб кетди.
2023 йилда 566 нафар коррупционер давлат хизматига қайтди ва яна пора олишни бошлади. Cентябрь ойининг охирига қадар бир неча йиллардан бери муҳокама қилинаётган коррупционерлар реестрини яратиш режалаштирилган.
Ўзбекистонда етти ой давомида юк машиналари иштирокида 303 та ЙТҲ содир бўлган, уларда 108 киши ҳалок бўлган ва 227 киши жароҳатланган. Йўлнинг энг чекка чап тасмасида ҳаракатланиши учун юк машиналари учун маъмурий жавобгарлик жорий этилиши режалаштирилган.
11 сентябрь куни Ўзбекистонда куз бошига хос бўлган илиқ об-ҳаво кутилмоқда. Тошкентда ёғингарчилик бўлмайди, ҳаво ҳарорати кечаси 13-15°, кундузи 29-31° иссиқ бўлади.
Тошкентда ТИВ, АОКА, Ўзбекистон Миллий медиа ассоциацияси ва Халқаро пресс-клуб кўмагида илк бор БМТ Тараққиёт дастури томонидан коррупцияга қарши курашиш бўйича халқаро медиа-форум ўтказилди. Тадбирда Латвия, Сингапур, Филиппин, Австрия ва Марказий Осиё мамлакатларининг етакчи оммавий ахборот воситалари журналистлари ва муҳаррирлари, вазирлик ва идоралар матбуот котиблари, халқаро экспертлар ҳамда дипломатик корпус вакиллари иштирок этди.
Вьетнамда мамлакат шимолига ёпирилган «Яги» тўфони туфайли 100 дан ортиқ одам ўлди ва бедарак йўқолди. Душанба куни кучли тайфун Фу Тхо провинциясидаги автомобиль кўпригини қулатди. Вьетнамга ҳужум қилишдан олдин «Яги» Хитой ва Филиппиннинг жанубий вилоятларида «меҳмон бўлганди».
2024 йил 1 январь ҳолатига кўра, Ўзбекистонда интернет тармоғига уланган абонентлар сони 30,1 млн нафарни ташкил этди. Бу кўрсаткич 2023 йилнинг мос даври билан солиштирилганда 12,5% га ошган.
Россия транспорт вазири 24 сентябрдан бошлаб Тошкентдан Москвага тўғридан-тўғри рейслар йўлга қўйилганини маълум қилди. Поезднинг саёҳат вақти уч кундан ортиқ давом этади. Поезд ҳафтада бир марта қатнайди, келаси йилдан эса уларнинг сони ортади.
Asosiy voqealardan birinchi boʻlib xabar topish uchun Telegram kanalimizga obuna boʻling.