1 августдан Ўзбекистонда электр энергияси учун тўловларнинг янги тизими жорий этилади. Ҳозирда у Яккасарой туманида синов тарзида ишга туширилган. Унда абонентнинг исми ва фамилияси, паспорт маълумотлари ва ҳисоб рақамига қўшимча равишда кадастр маълумотлари ва битта истеъмолчи номига ёзилган ҳисоблагичлар сони кўрсатилади.
Тадбиркорлар ногиронлар, аёллар ва ёшларни иш билан таъминласа, уларнинг яримм харажатини давлат қоплайди.
12 июль куни Ўзбекистонда жуда иссиқ ҳаво кузатилади. Кундузи ҳаво ҳарорати 38° атрофида бўлади. Фақат Хоразм вилоятининг баъзи жойларида қисқа муддатли ёмғир ёғиши мумкин.
Бешариқ, Ўзбекистон ва Фарғона туманларида тўртта энергия лойиҳаси ишга туширилади.
Учтепа тумани ҳокими ўз лавозимидан озод этилиб, «Ўзбекистон технологик металлар комбинати» АЖ бошқаруви раиси этиб тайинланди.
Давлат раҳбари «Indorama Kokand Fertilizers and Chemicals» корхонасида бўлиб, ишлаб чиқариш жараёни билан танишди. Завод ишчилари ва уларнинг оила аъзолари учун замонавий уй-жойлар, мактаб ва шифохоналар қуриш истиқболлари юзасидан фикр алмашилди.
Xumo vines номли блогер ва унинг шериклари 400 нафар фуқарони автомобил ва уй-жой билан таъминлашни ваъда қилиб, катта миқдорда пул ўғрилаган. 9 июль куни Олмазор туман суди уч айбланувчига нисбатан ҳукм чиқарди.
Термиз аэропортида аэродром мажмуасини реконструкция қилиш ишлари тўлиқ якунланди. Шунингдек, учта самолёт стендлари учун перрон участкасини қуриш ва ёритиш мосламаларини ўрнатиш ишлари тугади.
Екатеринбургда бўлиб ўтган «ИННОПРОМ-2024» кўргазмасининг иккинчи кунида Ўзбекистон инвестициялар, саноат ва савдо вазири Россия саноат ва савдо вазири билан учрашиб, қўшма сармоявий платформа яратиш масаласини муҳокама қилди. Бугунги кунда республикада иккита қўшма саноат парки фаолият юритмоқда.
10 июль куни Жиноят ишлари бўйича Шайхонтоҳур туман судида 2023 йил охирида ҳибсга олинган «Бахти Ташкентский» иши бўйича якуний суд мажлиси бўлиб ўтди. Прокурор унга 20 йил қамоқ жазосини сўраган.
Тошкент вилояти Қибрай туманида хусусий корхона раҳбари сув тозалаш иншоотини реконструкция қилиш бўйича тендерда ғолиб чиққан тадбиркордан 4 миллиард сўм сўради. Эркак 30 минг доллар олаётган вақтда қўлга олинган.
Қўқон аэропорти ўз тарихида биринчи марта йирик самолётни қабул қилди. Аэропортда 100 йўловчига мўлжалланган янги терминал қурилди, учиш-қўниш йўлаги янгиланди. Замонавий аэронавигация ускуналари ўрнатилди.
UVT aero Қозондан Тошкентга тўғридан-тўғри рейсларни йўлга қўйди. Йўналишда Канадада ишлаб чиқарилган 50 ўринли замонавий реактив самолётлардан фойдаланилади.
Президент Шавкат Мирзиёев 11 июль куни Фарғона вилоятига ташриф буюради. Сафар давомида вилоятдаги саноат ва инфратузилма ривожи билан яқиндан танишиш режалаштирилган.
Фарғона жамоат саломатлиги тиббиёт институти ва Форс кўрфази тиббиёт университети (БАА) ўртасида ҳамкорлик шартномаси имзоланди. 2024/2025 ўқув йилида Фарғона тиббиёт институтида бакалавр даражасига эга 100 нафар БАА фуқаролари таҳсил олади.
Таълим, фан ва инновациялар вазири Қўнғратбай Шарипов Ўзбекистонда хусусий олий ўқув юртларига лицензиялар бериш тўхтатилганини маълум қилди. Унинг сўзларига кўра, ҳозирда мамлакатда етарлича олий ўқув юртлари мавжуд ва ҳозирда таълим сифатига эътибор қаратилмоқда.
Asosiy voqealardan birinchi boʻlib xabar topish uchun Telegram kanalimizga obuna boʻling.