Павел Дуровнинг айтишича, Тelegram 2018 йилдан бери жиноятчиларнинг IP манзиллари ва телефон рақамларини маъмурларга ошкор қилиши мумкин, бу жараён аллақачон йўлга қўйилган, деди мессенжер асосчиси. Чораклик ҳисоботга кўра, 2024 йил бошидан бугунга қадар Telegram ҳеч қачон Ўзбекистон ҳукуматига маълумот бермаган.
Бухоро вилоятидаги постда божхона ходимлари чўнтаклари ва пояфзаллари билан 40 минг АҚШ долларини олиб чиқиб кетмоқчи бўлган фуқарони қўлга олди. Эркак ўз пулининг фақат бир қисмини декларация қилиб, божхона назоратидан ўтишга уринган.
Чоршанбага ўтар кечаси Uzbekistan Airways авиакомпаниясининг Тел-Авивдан Тошкентга рейси кечиктирилди. Бунга Эроннинг Исроилга ҳужуми туфайли Яқин Шарқ ҳаво ҳудудининг бир қисмининг ёпилиши сабаб бўлган.
Самарқанд архитектура-қурилиш университети ҳудудида ёнғин содир бўлди. Ёнғин сабабларини ўрганиш бошланди.
Эрталаб пойтахтда ҳаво яна «зарарли» даражага етди. PM2,5 заррачалари миқдори ЖССТ тавсияларидан 13 баравар юқори бўлди. IQAir рейтингида шаҳар 10 ўринда эди.
Ўзбекистоннинг Исроилдаги элчихонаси Ўзбекистон фуқароларини ракета ҳужумларидан эҳтиёт бўлишга чақирди.
Экологик партия етакчиси Абдушукур Ҳамзаев 2030 йилгача Тошкентда бензинли автомобиллар ҳаракатини тақиқлаш таклифини билдирди.
Осиё футбол конфедерацияси бир қатор номинациялар бўйича йилнинг энг яхши футболчиси унвонига номзодларни эълон қилди. Аббос Файзуллаев Осиёда йилнинг энг яхши ёш футболчиси номинациясига номзод бўлди.
Замин жамғармаси Васийлик кенгаши раиси Зироат Мирзиёева амбулатор даволанаётган болалар учун мўлжалланган «Меҳрли мактаб» госпитал мактаби филиалига ташриф буюрди. Ўзбекистон Биринчи хоними ўқитувчиларни Ўқитувчи ва мураббийлар куни билан табриклади.
Хитой Экспорт-импорт банки хорижий банкнинг Ўзбекистондаги саккизинчи ваколатхонаси бўлди. Уни республика Марказий банки аккредитация қилган. Банк бевосита ХХР Давлат кенгашига бўйсунади.
Сенат «Креатив иқтисодиёт тўғрисида»ги қонунни маъқуллади. Қонун креатив иқтисодиётни қўллаб-қувватлаш, ривожлантириш ва тартибга солишни назарда тутади. Қонун доирасида креатив индустрия соҳасидаги лойиҳаларни яратиш, ишлаб чиқариш ва илгари суриш билан боғлиқ харажатларни молиялаштириш учун креатив иқтисодиётни қўллаб-қувватлаш жамғармалари ташкил этилади. Ушбу жамғармалар маблағларидан фойдаланишнинг асосий йўналишлари белгиланмоқда.
Тошкент вилояти Қибрай туманида Аграр институтни вайрон қилган ёнғин юзасидан ёнғин хавфсизлиги қоидаларини бузганликда гумонланиб, жиноят иши қўзғатилган.
Санкт-Петербургда ҳайвонлар ҳуқуқлари бўйича учинчи Россия конференцияси бўлиб ўтди. Конференцияда Қозоғистон, Беларус, шунингдек, Ўзбекистон фаоллари ва экспертлари иштирок этди. Анжуманда «Ҳайвонлар ҳуқуқларини ҳимоя қилишда Ўзбекистон тажрибаси» мавзусидаги маъруза билан ҳайвонлар ҳуқуқларининг мустақил ҳимоячиси, «Меҳр ва Оқибат» ННТ ижроия қўмитасининг собиқ раиси Тимур Арипов сўзга чиқди.
Келгуси йилда Ўзбекистон 375 та мактаб ва 97 та боғчани реконструкция қилиш учун 3,2 триллион сўм ажратишни режалаштирмоқда. Бундан ташқари, келгуси тўрт йилда мамлакатимизда 30 минг ўринга мўлжалланган 200 та хусусий боғча барпо этилади. Бунинг учун 50 миллион доллар ажратилади.
30 сентябрь куни Тошкент вилояти Қибрай туманида Аграр институтда ёнғин содир бўлди. Ёнғинни икки соат ўчиришди. Жабрланганлар ҳақида маълумот йўқ.
Жиззах вилояти Мактабгача ва мактаб таълими бошқармаси мактаб ўқувчиларини ўзбек тилини билмагани учун калтаклаганини рад этди.
Asosiy voqealardan birinchi boʻlib xabar topish uchun Telegram kanalimizga obuna boʻling.