Afg‘onistonda turar-joy binolarining derazalarini qo‘shnilar va yo‘lovchilar uydagi ayollarni ko‘ra olmaydigan qilib loyihalashtirish buyurildi. Tegishli farmonni “Tolibon” yetakchisi Haybatulloh Oxunzoda imzoladi, deb xabar berdi TASS.
Uy egalari ham o‘z uylarining derazalarini shunday qurishlari kerakki, ular qo‘shni uylarning ayollarni tik turgan va o‘tirgan holatda ko‘rish mumkin bo‘lgan qismlariga chiqmasin.
Agar afg‘on o‘z uyidagi derazalarni qo‘shni binoda yashovchi ayollarni ko‘rish mumkin bo‘lgan tarzda loyihalashtirmoqchi bo‘lsa, u o‘z derazasi oldiga inson bo‘yi balandligida devor qo‘yishi kerak bo‘ladi.
Avvalroq “Tolibon” yaxshilikni buyurish va yomonlikni taqiqlash to‘g‘risidagi qonunni qabul qilgandi. Hujjat bilan qizlarning jamoat joylarida ochiq yuz va tana qismlari bilan paydo bo‘lishi, qo‘shiq aytishi va ovoz chiqarib o‘qishi taqiqlandi.
