O‘zbekistonda shu paytgacha kosmik faoliyat tamoyillari, davlat siyosatining yo‘nalishlari, ushbu sohani tartibga solish uchun mas’ul bo‘lgan organlar, ularning vakolatlari va vazifalarini belgilaydigan qonun bo‘lmagan. Oliy Majlis Senati “Kosmik faoliyat to‘g‘risida”gi qonunni ma’qulladi.
Asrorjon Asqarov “Hududiy elektr tarmoqlari” AJ boshqaruvi raisi lavozimiga tayinlandi. Ilgari u ushbu kompaniyada boshqaruv raisining iqtisodiyot va moliya bo‘yicha o‘rinbosari lavozimida ishlagan. Ilgarigi rahbar Ulug‘bek Mustafoyev Jizzax viloyati hokimi vazifasini vaqtinchalik bajaruvchi etib tayinlandi.
“S-T” MCHJ rahbariyati Ko‘kdala tumanidagi ijtimoiy obektlarni isitish uchun mo‘ljallangan 934 mln so‘mdan ortiq mablag‘ va 79 tonna ko‘mirni talon-toroj qilganlikda gumonlanmoqda. Tergov ma’lumotlariga ko‘ra, jinoyatchilar issiqlik tarmog‘ini ta’mirlash bo‘yicha amalga oshirilmagan ishlar to‘g‘risidagi ma’lumotlarni hujjatlarga kiritgan. Holat yuzasidan jinoyat ishi qo‘zg‘atilib, tergov harakatlari davom etmoqda.
Oliy Majlis Senati qo‘shimcha mas’uliyatli tijorat unitar korxonalari va jamiyatlarini tugatish to‘g‘risidagi qonun loyihasini ma’qulladi. Ushbu tuzilmalar korporativ boshqaruvning zamonaviy talablariga javob bermasligi e’tirof etilgan. Yangi normalar, shuningdek, yirik investisiya loyihalarini amalga oshirish uchun konsorsiumlar tashkil etish qoidalarini belgilaydi va korporativ ma’lumotlarni majburiy oshkor qilishni joriy etadi.
Yil boshidan buyon O‘zbekistonning tashqi savdo aylanmasi $59,4 mlrdni tashkil etdi. Bu ko‘rsatkich 2023-yilga nisbatan o‘sgan.
Ijtimoiy himoya milliy agentligi 2024-yil dekabr oyida kam taʼminlangan oilalarni qoʻllab-quvvatlash uchun 450 milliard soʻmdan ortiq mablagʻ ajratdi.
Shavkat Mirziyoyev mutasaddilar ishtirokida mehmonxona va savdo sohasida erishilgan yutuqlar, eksportni qoʻllab-quvvatlash, infratuzilmani rivojlantirish va soliq siyosatini muhokama qildi. Shuningdek, u kambagʻallikni qisqartirish va 2025-yilga moʻljallangan rejalar, jumladan, investitsiyalarni koʻpaytirish va Oʻzbekistonning Jahon savdo tashkilotiga aʼzo boʻlishi doirasida islohotlarni davom ettirish haqida gapirdi.
Ravshan Usmonov Adam Uilyamson bilan uchrashib, sharq rangtasviri va hunarmandchiligini oʻrganish dasturlari haqida soʻzlab berdi. Rassom Oʻzbekistonning tarixiy yodgorliklari naqshlarini oʻrganishda xorijiy talabalar ishtirok etishiga qiziqish bildirdi va 2025-yilda mamlakatga tashrif buyurishni rejalashtirmoqda.
2024-yilda tabiiy gaz qazib olish hajmi 9,5 foizga kamayib, 26,5 milliard kub metrni tashkil etadi. Kompaniya geologiya-qidiruv va qazib olish uchun 2 milliard dollar jalb qiladi, shuningdek, transformatsiya jarayonini davom ettirib, xarajatlarni qisqartiradi. Xodimlarni oʻqitish, texnologiyalarni rivojlantirish va samaradorlikni oshirish uchun xalqaro hamkorlikka alohida eʼtibor qaratiladi.
Toshkent viloyati Zangiota tumanida joylashgan 21-son ayollar koloniyasiga inson huquqlari boʻyicha kitoblar va tarqatma materiallar, shaxsiy gigiyena vositalari topshirildi.
“Milliy tiklanish” partiyasi rahbari Alisher Qodirov Rossiyada qabul qilingan, rus tilini bilmaydigan bolalarni maktablarga qabul qilishni taqiqlovchi qonun haqida oʻz fikrini bildirdi. Siyosatchi yangi qonun postsovet mamlakatlarida rus tiliga boʻlgan hurmatni pasaytirishini taʼkidladi.
Yangi yildan Oʻzbekistonda 2019-yilda joriy etilgan mobil aloqa xizmatlari uchun aksiz soligʻi bekor qilinadi. Hozirgi vaqtda u 10% ni tashkil etadi.
Toshkent viloyati Boʻstonliq tumanidagi Sea Breeze xalqaro turizm markazining qiymati 10 milliard dollarni tashkil etadi. Prezident kelgusi yilda mehmon oʻrinlari yana 30 mingtaga yetkazilishini taʼkidladi.
Yaqinda Buxoroda kriptovalyuta orqali noqonuniy ravishda bir necha million dollar ishlab olgan 17 yoshli yigit qoʻlga olindi. Ijtimoiy tarmoqlarda yigitni “iqtidorli” deb atashdi. Bunga IIV matbuot xizmati munosabat bildirib, yigit oddiy “virtual valyutachi” boʻlganini maʼlum qildi.
2025-yilda Oʻzbekiston 300 dan ortiq yirik loyihalarni ochish imkonini beradigan 43 milliard dollarlik investitsiyalarni oʻzlashtirishni rejalashtirmoqda.
Prezident Shavkat Mirziyoyev mamlakat AQSH va Xitoy kabi asosiy hamkorlar bilan muzokaralarning yakuniy bosqichida ekanini maʼlum qildi. 2025-yilda beshta nazorat-oʻtkazish punkti uchun qoʻshimcha yoʻlaklar tashkil etilib, ularning oʻtkazuvchanlik qobiliyati besh barobar oshiriladi. Bundan tashqari, bir nechta chegara postlari faoliyati tiklandi, bu esa aholi va biznes uchun yoʻnalishlarni qisqartirdi.
Asosiy voqealardan birinchi boʻlib xabar topish uchun Telegram kanalimizga obuna boʻling.